డిగ్రీ, పిజి ప్రవేశాలకు ఆహ్వానం

నిజామాబాద్‌, జూన్‌ 23

నిజామాబాద్‌ న్యూస్‌ డాట్‌ ఇన్‌ : గిరిరాజ్‌ ప్రభుత్వ కళాశాల నిజామాబాద్‌లో డాక్టర్‌ బి.ఆర్‌. అంబేడ్కర్‌ ఓపెన్‌ యూనివర్సిటీలో 2021`22 విద్యాసంవత్సరానికి గాను డిగ్రీ, పిజి ప్రవేశాలకు నోటిఫికేషన్‌ విడుదలైనట్టు అధ్యయన కేంద్ర సహాయ సంచాలకులు డాక్టర్‌ అంబర్‌సింగ్‌ ఒక ప్రకటనలో తెలిపారు.

డిగ్రీ ప్రవేశం కోసం తప్పకుండా ఇంటర్మీడియట్‌ పాస్‌ అయిన ఉండాలని, లేదా 10G2 కోర్సులో ఉత్తీర్ణత సాధించిన వారు, ఓపెన్‌ ఇంటర్‌ పాస్‌ అయిన వారు అలాగే పాలిటెక్నిక్‌ డిప్లమా పూర్తిచేసిన వారు అర్హులన్నారు. బి.ఏ, బి.కాం, బి.ఎస్‌సి కోర్సులు ఉన్నాయని చెప్పారు.

పిజిలో ప్రవేశానికి డిగ్రీ పాస్‌ అయి ఉండాలని, పిజిలో ఎంఎ ఎకనామిక్స్‌, హిస్టరీ, పొలిటికల్‌ సైన్స్‌, పబ్లిక్‌ అడ్మినిస్ట్రేషన్స్‌, సొషియాలజి, హింది, ఇంగ్లీష్‌, ఉర్దూ, తెలుగు, జర్నలిజం, ఎంకాం, ఎంబిఎ, ఎంఎస్‌సి సైకాలజి, మ్యాథ్స్‌ సబ్జెక్టులు ఉన్నాయన్నారు.

అడ్మిషన్లన్ని టిఎస్‌ ఏపి ఆన్‌లైన్‌ ద్వారా పొందాలని తెలిపారు. మరిన్ని వివరాలకు 7382929612 నెంబర్‌లో లేదా వెబ్‌సైట్‌లో సంప్రదించాలన్నారు.