పురుషులతో సమానంగా మహిళలు ఎదగాలి

రెంజల్‌, మార్చ్‌ 10

నిజామాబాద్‌ న్యూస్‌ డాట్‌ ఇన్‌ : నేటి సమాజంలో మహిళలు అత్యున్నత స్థాయికి ఎదుగుతున్నారని పురుషులతో సమానంగా మహిళలు అన్ని రంగాల్లో ఉన్నారని మండల వైద్యాధికారి వినయ్‌ కుమార్‌ అన్నారు. అంతర్జాతీయ మహిళా దినోత్సవం సందర్భంగా శుక్రవారం కంటివెలుగు వైద్యాధికారి డాక్టర్‌ కావ్య మరియు ఆరోగ్య కార్యకర్తలు, ఆశా కార్యకర్తల ను శుక్రవారం మండల ఆరోగ్య కేంద్రంలో శాలువా పూలమాలలతో ఘనంగా సన్మానించారు.

ఈ సందర్భంగా ఆయన మాట్లాడుతూ నేటి సమాజంలో మహిళా దినోత్సవం ప్రాముఖ్యత ప్రపంచంలోని మహిళలు సాధించిన విషయాలను వివరించారు. మహిళలు మునుముందు మరింత అభివృద్ధి చెంది మంచి స్థానాల్లో స్థిరపడాలని ఆకాంక్షించారు. సమాజంలో మహిళలు పురుషులతో సమానంగా అన్ని రంగాలలో సమానంగా ఉన్నారన్నారు. చేసే ప్రతి పనిలో నిబద్ధత కలిగిఉండలన్నారు. కార్యక్రమంలో ఆరోగ్య విస్తీర్ణాధికారులు శ్రావణ్‌ కుమార్‌, రవీందర్‌, పి.హెచ్‌.ఎన్‌ రాణి, సూపర్వైజర్‌ మాలన్‌ బి, ఎం.ఎల్‌.హెచ్‌.పీ లు లక్ష్మీనారాయణ, ఇమ్రాన్‌, ఆరోగ్య కార్యకర్తలు, ఆశా కార్యకర్తలు తదితరులు పాల్గొన్నారు.