రోడ్డు ప్రమాదంలో వృద్ధురాలు మృతి

రెంజల్‌, మార్చ్‌ 14

నిజామాబాద్‌ న్యూస్‌ డాట్‌ ఇన్‌ : రెంజల్‌ మండలంలోని సాటాపూర్‌ చౌరస్తాలో ప్రమాదవశాత్తు ద్విచక్ర వాహనం అదుపుతప్పి వృద్ధురాలు మృతి చెందినట్లు ఎస్సై సాయన్న తెలిపారు. ఆయన తెలిపిన వివరాలు ఈ విధంగా ఉన్నాయి.

నాగేపూర్‌ గ్రామానికి చెందిన సాయిలు తన ద్విచక్ర వాహనంపై రాంబాయి, ఆశమ్మతో కలిసి బెల్లూరుకు వెళ్తుండగా సాటాపూర్‌ గ్రామ చౌరస్తాలో స్పీడ్‌ బ్రేకర్‌ వద్ద బండి అదుపుతప్పి పడిపోవడంతో వెనకాల కూర్చున్న రాంబాయి (70) కిందపడి అక్కడికక్కడే మృతి చెందిందన్నారు. మృతురాలి భర్త లక్ష్మణ్‌ ఫిర్యాదు మేరకు కేసు నమోదు చేసుకొని పోస్టుమార్టం నిమిత్తం బోధన్‌ ఏరియా ఆసుపత్రికి తరలించినట్లు ఎస్సై సాయన్న తెలిపారు.