స్టడీ మెటీరియల్‌ అందజేత

బీబీపేట్‌, మార్చ్‌ 21

నిజామాబాద్‌ న్యూస్‌ డాట్‌ ఇన్‌ : బీబీపేట్‌ మండలంలోని ఆయా గ్రామాలకు చెందిన నిరుద్యోగ అభ్యర్థులకు సేవ్‌ ది గర్ల్‌ చైల్డ్‌ సంస్థ ఫౌండర్‌ చంచల్‌ గూడ ఎస్పీ నవాబ్‌ శివకుమార్‌ గౌడ్‌ సహకారంతో గ్రూప్‌ 4 ఎగ్జామ్‌ కు సన్నద్ధం అవుతున్న 6 గురు నిరుద్యోగ అభ్యర్థులకు అవసరమయ్యే స్టడీ మెటీరియల్‌ను రెడ్‌ క్రాస్‌ సొసైటీ జిల్లా వైస్‌ చైర్మన్‌ అంకన్నగారి నాగరాజ్‌ గౌడ్‌ అందజేశారు.

ఈ సందర్భంగా రెడ్‌ క్రాస్‌ సొసైటీ జిల్లా వైస్‌ ఛైర్మన్‌ అంకన్నగారి నాగరాజ్‌ గౌడ్‌ మాట్లాడుతూ సేవ్‌ ది గర్ల్‌ ఛైల్డ్‌ సంస్థ ద్వారా నిరుద్యోగ యువతకు అన్ని విధాలుగా సహాయ సహకారాలు ఎస్పీ శివకుమార్‌ గౌడ్‌ అందిస్తున్నారని వారి సహకారంతో స్టడీ మెటీరియల్‌ ఉచితంగా పొందిన నిరుద్యోగు అభ్యర్థులు స్టడీ మెటీరియల్‌ను చక్కగా వినియోగించుకుని ఉద్యోగం సాధించాలని కోరారు. అడగగానే స్టడీ మెటీరియల్‌ అందించిన జైళ్ల శాఖ ఎస్పీ శివకుమార్‌ గౌడ్‌కు ధన్యవాదాలు తెలుపుతున్నామన్నారు. కార్యక్రమంలో సేవ్‌ ది గర్ల్‌ చైల్డ్‌ ప్రతినిధి రంజిత్‌ గౌడ్‌, ప్రతిభ, శ్రీకాంత్‌, దుర్గాప్రసాద్‌, మహేష్‌, తదితరులు పాల్గొన్నారు.