హిస్టరీ కాంగ్రెస్‌ సమావేశాల బ్రోచర్‌ విడుదల చేసిన విసి

డిచ్‌పల్లి, మార్చ్‌ 27

నిజామాబాద్‌ న్యూస్‌ డాట్‌ ఇన్‌ : తెలంగాణ హిస్టరీ కాంగ్రెస్‌ 65 వ సమావేశాలు తెలంగాణ విశ్వవిద్యాలయం డిచ్‌పల్లి మెయిన్‌ క్యాంపస్‌లోని న్యాయ కళాశాలలో ఈనెల 28,29 తేదీలలో నిర్వహించే సమావేశాల బ్రోచర్‌ను సోమవారం తెలంగాణ యూనివర్సిటీ వైస్‌ ఛాన్స్‌లర్‌ ప్రొఫెసర్‌ డి రవీందర్‌ చేతుల మీదుగా సంస్థ ప్రతినిధులు ఆవిష్కరింపజేశారు.

వర్సిటీలో జరిగే సమావేశాలకు తెలంగాణతో పాటు దేశంలోని వివిధ ప్రాంతాలకు చెందిన చరిత్ర ఆచార్యులు, పరిశోధకులు, పరిశోధక విద్యార్థులు, పాల్గొంటారని తెలంగాణ హిస్టరీ కాంగ్రెస్‌ ప్రధాన కార్యదర్శి ఎం వీరేందర్‌ తెలిపారు. కార్యక్రమానికి తెలంగాణ యూనివర్సిటీ వైస్‌ ఛాన్స్‌లర్‌ ప్రొఫెసర్‌ డి రవీందర్‌ ముఖ్యఅతిథిగా పాల్గొని ప్రసంగిస్తారని పేర్కొన్నారు.

తెలంగాణ విశ్వవిద్యాలయంలో హిస్టరీ కాంగ్రెస్‌ నిర్వాణకు సహకరించేందుకు ఆమోదం తెలిపిన వైస్‌ ఛాన్స్‌లర్‌ ప్రొఫెసర్‌ రవీందర్‌, రిజిస్టార్‌ ప్రొఫెసర్‌ విద్యావర్ధినికి ఆ సంస్థ ప్రతినిధులు కృతజ్ఞతలు తెలిపారు.