సత్యనారాయణ స్వామి ఆలయంలో ప్రారంభమైన వార్షిక ఉత్సవం

ఆర్మూర్‌, ఏప్రిల్‌ 1

నిజామాబాద్‌ న్యూస్‌ డాట్‌ ఇన్‌ : మున్సిపల్‌ పరిధిలోని కోటార్మూరులో గల విశాఖ కాలనీలోని శ్రీ రమా సత్యనారాయణ స్వామి ఆలయంలో శనివారం అష్టమ వార్షికోత్సవ కార్యక్రమం శ్రీశ్రీశ్రీ బ్రహ్మశ్రీ బల్యపల్లి సుబ్బరావు గురుస్వామి ఆధ్వర్యంలో ప్రారంభమైంది. ఉదయము శాంతి మంత్ర పరసము, గౌరి గణపతి పూజ, స్వస్తి పుణ్యాహవాచనము నవగ్రహ, మాత్మక యోగిని వాస్తు క్షేత్రపాలకు, సర్వతోభద్ర మండలాధి ఆరాధన, హవనములు స్వామి వారికి అభిషేకము నిర్వహించారు.

సాయంత్రము శ్రీ లక్ష్మీనృసింహ సుదర్శన, హనుమత్‌ హోమం, పారతి, మంత్ర పుష్పం, తీర్థప్రసాద వితరణ, మొదలగు కార్యక్రమాలు నిర్వహించారు. కార్యక్రమంలో అనేక సంఖ్యలో భక్తులు, కాలనీవాసులు, కమిటీ సభ్యులు తదితరులు పాల్గొన్నారు.