కామారెడ్డిలో మెగా ఉద్యోగ మేళా

కామారెడ్డి, ఏప్రిల్‌ 5

నిజామాబాద్‌ న్యూస్‌ డాట్‌ ఇన్‌ : హెచ్‌సిఎల్‌ టెక్నాలజీస్‌ వారు నిర్వహిస్తున్న టెక్‌ బి ప్రోగ్రాం కొరకు 2022Ê23 ఎంపిసి / ఎంఇసి లో ఇంటర్మీడియట్‌ పూర్తి చేసుకున్న విద్యార్థులకు ఈనెల 8వ తేదీ శనివారం ఉదయం 9 గంటలకు కామారెడ్డి ప్రభుత్వ డిగ్రీ కళాశాలలో మెగా జాబ్‌ డ్రైవ్‌ నిర్వహించనున్నట్లు జిల్లా కలెక్టర్‌ జితేష్‌ వి పాటిల్‌ తెలిపారు.

అర్హులైన అభ్యర్థులు అర్హత పదో తరగతి, ఇంటర్మీడియట్‌ ఉత్తీర్ణత / హాల్‌ టికెట్‌, ఆధార్‌ కార్డు నకలు ఆండ్రాయిడ్‌ మొబైల్‌తో డ్రైవ్‌ స్థలానికి తప్పకుండా హాజరుకావాలని కోరారు. కలెక్టర్‌ జితేష్‌ వి పాటిల్‌ కరపత్రాలను ఆవిష్కరించారు. కార్యక్రమంలో హెచ్‌.సి.ఎల్‌. తెలంగాణ రాష్ట్ర ఇంచార్జ్‌ ఎస్‌. శ్రీనివాస్‌ పాల్గొన్నారు. పూర్తి వివరాలకు 8074065803 , 9493553821 నెంబర్లలో సంప్రదించాలని పేర్కొన్నారు.