వాహనం ఢీకొని వృద్ధురాలు మృతి

రెంజల్‌, మే 8

నిజామాబాద్‌ న్యూస్‌ డాట్‌ ఇన్‌ : రెంజల్‌ మండలంలోని పేపర్‌ మిల్‌ గ్రామానికి చెందిన గుర్రాల పోసాని (68) అనే మహిళకు ద్విచక్ర వాహనం ఢీకొనడంతో మృతి చెందిందని ఎస్సై సాయన్న తెలిపారు. ఆయన తెలిపిన వివరాలు ఈ విధంగా ఉన్నాయి.

పేపర్‌ మిల్‌ గ్రామానికి చెందిన పోసాని గ్రామంలోని వనదుర్గ ఆలయంలో పెళ్లికి వెళ్లి తిరిగి ఇంటికి వెళ్తుండగా కందకుర్తి గ్రామానికి చెందిన శంకర్‌ ద్విచక్రవాహనంపై కందకుర్తి నుండి పేపర్‌ మిల్‌ వైపు అతివేగంగా వచ్చి ఢీ కొనడంతో పోసాని తలకు తీవ్ర రక్తస్రావం అయ్యింది. చికిత్స నిమిత్తం నిజామాబాద్‌ ఆసుపత్రికి తరలించగా చికిత్స పొందుతూ మృతి చెందిందని, మృతురాలి మరిది గంగాధర్‌ పిర్యాదు మేరకు కేసునమోదు చేసి దర్యాప్తు చేస్తున్నట్లు ఎస్సై సాయన్న తెలిపారు.