భాస్కరులవ్వండి

భరతమాత బిడ్డలార
భాస్కరులయి ప్రకాశించి
ప్రపంచాన భరతఖ్యాతి
ప్రభలను వెదజల్లండి

వారసత్వ సంపదలగు
శాస్త్రంబుల జ్ఞాన మంది
దశదిశలా చాటి చెప్పు
ధర్మమాచరించ లెండి.

మహోమహుల చరిత లెరిగి
భవిత బాటన్నడవండి
మాతృ రుణము దీర్చుకొనగ
మణి దీపిక లవ్వండి.

తనువు మనము లెల్లెడలా
త్యాగ నిరతి నమరు కొనగ
ధైర్య సాహసముల తోడ
ధీరులుగా చెలగండి.

దేశమే నా దేహమంటు
మహా శక్తి నలము కొనుచు
దేశ రక్ష జేయ బూని
ధన్య జీవులవ్వండి.

తిరునగరి గిరిజా గాయత్రి