డిగ్రీ ప్రవేశాల కోసం స్పెషల్‌ కేటగిరి విద్యార్థుల సర్టిఫికెట్‌ పరిశీలన

డిచ్‌పల్లి, జూన్‌ 7

నిజామాబాద్‌ న్యూస్‌ డాట్‌ ఇన్‌ : తెలంగాణ యూనివర్సిటీ పరిధిలోని డిగ్రీ కళాశాలలో ప్రవేశానికి (దోస్త్‌ 2023) స్పెషల్‌ కేటగిరికి సంబంధించిన పిహెచ్‌ / సిఏపి అభ్యర్థుల సర్టిఫికెట్‌ వెరిఫికేషన్‌ ఈ నెల 8వ తేదీన టీయు పరిపాలన భవనంలోని డైరెక్టర్‌ ఆఫ్‌ అకాడమిక్‌ ఆడిట్‌ కార్యాలయంలో జరుగుతుందని సంబంధిత విద్యార్థులు తమ ఒరిజినల్‌ సర్టిఫికెట్స్‌తో వెరిఫికేషన్‌కు హాజరుకావాలని తెలంగాణ యూనివర్సిటీ దోస్తు కోఆర్డినేటర్‌ సంపత్‌ కుమార్‌ కోరారు.

అదేవిధంగా ఎన్‌సిసి, ఇతర అర్హతలు కలిగిన విద్యార్థులు ఈనెల 9వ తేదీన సర్టిఫికెట్‌ వెరిఫికేషన్‌కు హాజరు కావాలని తెలిపారు. వెరిఫికేషన్‌ కు వచ్చే విద్యార్థులు తమ ఒరిజినల్‌ సర్టిఫికెట్లతో పాటు అదనంగా మరో రెండు సెట్ల జిరాక్స్‌ పత్రాలను వెంట తెచ్చుకోవాలని సూచించారు. ఉదయం 10:30 నుంచి సాయంత్రం 5 గంటల వరకు సర్టిఫికెట్‌ వెరిఫికేషన్‌ కొనసాగుతుందని కోఆర్డినేటర్‌ తెలిపారు. పూర్తి వివరాలకు యూనివర్సిటీ వెబ్‌ సైట్‌ని సంప్రదించాలని కోరారు.