యోగతో జ్ఞాపక శక్తి పెరుగుతుంది

కామారెడ్డి, జూన్‌ 29

నిజామాబాద్‌ న్యూస్‌ డాట్‌ ఇన్‌ : రామారెడ్డి మండల కేంద్రంలో గురువారం తొలి ఏకాదశి సందర్భంగా పతంజలి యోగ జిల్లా అధ్యక్షులు రామ్‌రెడ్డి యోగా శిక్షణ శిబిరంలో పాల్గొన్నారు. అనంతరం ఆయన మాట్లాడుతూ ప్రతి వ్యక్తికి యోగ అవసరమని మనము ప్రతిరోజు ఉదయము బ్రహ్మ ముహూర్తంలో 4 గంటల లోపు నిద్రలేచినట్లైతే మనకు ఎలాంటి రోగాలు రాకుండా ఉంటాయని, ఆరోగ్యంగా ఉంటామని అన్నారు.

యోగా చేయడం వల్ల జ్ఞాపక శక్తి మరియు శరీరంలో మనకు మానసిక ఒత్తిడిలో ఉన్నట్లయితే తొలగిపోయే అవకాశం ఉంటుందని ప్రతి ఒక్కరు యోగాను నేర్చుకుని ఆరోగ్యంగా ఉండాలని మరీ ముఖ్యంగా విద్యార్థులు యోగా చేయడం వలన రాబోయే తరానికి ఆదర్శంగా ఉండాలని జిల్లా అధ్యక్షులు రామ్‌రెడ్డి తెలిపారు. రామారెడ్డి యోగగురువు బాలరాజు మాట్లాడుతూ విద్యార్థులు ప్రతిరోజు యోగా కార్యక్రమంలో పాల్గొనడం చాలా సంతోషంగా ఉందని తెలిపారు.

కార్యక్రమంలో రామారెడ్డి సర్పంచ్‌ దండబోయిన సంజీవ్‌, గుర్జా కుంట స్వామి, సామల రాజేశ్వర్‌, డర్ని ప్రవీణ్‌ కుమార్‌, లక్ష్మాగౌడ్‌, బాల్‌దేవ్‌ అంజయ్య, పడిగెల శ్రీనివాస్‌, భైరవ గౌడ్‌, కడెం శ్రీకాంత్‌, మెడికల్‌ శ్రీనివాస్‌, సందీప్‌, పశుపతి, గణేష్‌, దేవిదాస్‌, కృష్ణమూర్తి, మధుసూదన్‌, లింబాగౌడ్‌, శ్రీకాంత్‌ 5:30 బ్యాచ్‌ సభ్యులు పతంజలి యోగ జిల్లా అధ్యక్షులు రామ్‌రెడ్డిని సన్మానించారు. కార్యక్రమంలో విద్యార్థులు పాల్గొన్నారు.