ఆన్‌లైన్‌ మెమోలతో ప్రవేశాలు పొందొచ్చు

హైదరాబాద్‌, జూలై 2

నిజామాబాద్‌ న్యూస్‌ డాట్‌ ఇన్‌ : ఇంటర్‌ ద్వితీయ సంవత్సరం ఉత్తీర్ణులైన విద్యార్థులు బోర్డు వెబ్‌సైట్‌ నుంచి ఆన్‌లైన్‌ మెమో ఆఫ్‌ మార్క్స్‌ (షార్ట్‌ మెమో) ను డౌన్‌లోడ్‌ చేసుకొని వివిధ విద్యాసంస్థల్లో ఉన్నత విద్యలో ప్రవేశాలు పొందొచ్చని ఇంటర్‌బోర్డు కార్యదర్శి జలీల్‌ ఒక ప్రకటనలో తెలిపారు.

ఈ విద్యా సంవత్సరం నుంచి రంగుల్లో మెమోలను ప్రవేశపెట్టామని తెలిపారు. ఉత్తీర్ణులైనట్లు ధ్రువపత్రాలను తర్వాత పంపిస్తామని ఆయన పేర్కొన్నారు. మెమోల్లో తప్పులుంటే ఈనెల 10లోపు సంబంధిత ప్రిన్సిపాల్లకు తెలియజేయాలని సూచించారు.