Telangana Live Telangana Live News and Views 24X7
నిజామాబాద్‌, జూలై 3
నిజామాబాద్‌ న్యూస్‌ డాట్‌ ఇన్‌ : డాక్టర్‌ అంబేడ్కర్‌ ఓపెన్‌ యూనివర్సిటీకి సంబంధించిన మార్చి, ఏప్రిల్‌ నెలలో జరగాల్సిన డిగ్రీ 4వ, 2వ సెమిస్టర్‌ పరీక్షలు, అలాగే డిగ్రీ ప్రథమ, ద్వితీయ, తృతీయ సంవత్సరం వార్షిక పరీక్షలు లాక్‌డౌన్‌ కారణంగా వాయిదా పడిన విషయం తెలిసిందే.
కాగా వాటిని జూలై 6,7,8 తేదీల్లో 4వ సెమిస్టర్‌ పరీక్షలఱు, 9 నుంచి 15 వరకు రెండో సెమిస్టర్‌ పరీక్షలు, జూలై 16 నుంచి ఆగష్టు 1 వరకు ఓల్డ్‌ బ్యాచ్‌ డిగ్రీ పరీక్షలు నిర్వహిస్తామని ప్రాంతీయ అధ్యయన కేంద్ర సహాయ సంచాలకులు డాక్టర్‌ అంబర్‌సింగ్‌ ఒక ప్రకటనలో పేర్కొన్నారు.
పరీక్షలు మధ్యాహ్నం 2 గంటల నుంచి సాయంత్రం 5 వరకు ఉంటాయని, అభ్యర్థులు తమ హాల్‌టికెట్లను ఇంటర్‌నెట్‌ ద్వారా డౌన్‌లోడ్‌ చేసుకోవాలని సూచించారు. మరిన్ని వివరాలకు అధ్యయన కేంద్రం గిరిరాజ్‌ ప్రభుత్వ కళాశాలలో లేదా యూనివర్సిటీ వెబ్‌సైట్‌లో సంప్రదించాలన్నారు.
