Telangana Live Telangana Live News and Views 24X7
బాల్కొండ, జూలై 11
నిజామాబాద్‌ న్యూస్‌ డాట్‌ ఇన్‌ : నిజామాబాద్‌ జిల్లా బాల్కొండ మండలంలోని గ్రామాల్లో కేజ్‌ వీల్స్‌ ట్రాక్టర్లు రోడ్ల పై నడపవద్దని పట్టణ పోలీస్‌ అధికారి కే.గోపి అన్నారు. మంగళవారం బాల్కొండ మండల పరిధిలోని అన్ని గ్రామాల్లో పోలీస్‌ వారిచే ప్రచారం జోరుగా కొనసాగుతోందని బాల్కొండ ఏస్‌.ఐ కే.గోపి తెలిపారు.
బాల్కొండ మండల పరిధిలోని గ్రామాలలో ప్రధాన రహదారులపై నిర్లక్ష్యంగా కేజ్‌ వీల్స్‌ ట్రాక్టర్లతో బీటీ రోడ్డుపై నడపడం వల్ల రోడ్లు కొన్ని రోజులకే పాడవుతున్నాయని కాబట్టి రోడ్డుపై కేజ్‌ వీల్‌ ట్రాక్టర్‌ను పట్టిలు లేకుండా నడపడం చట్టరీత్యా నేరం, ఎవరైనా అలా నడిపితే ఆ వాహనాన్ని సీజ్‌ చేసి కేసు నమోదు చేస్తామని అన్నారు. బాల్కొండ మండల పరిధిలో ఎక్కడైనా ప్రధాన రోడ్లపై కేజ్‌విల్‌ ట్రాక్టర్‌ డైరెక్టుగా నడిపినట్టు కనబడితే ప్రజలు బాల్కొండ ఎస్సై ఫోన్‌ నెంబర్‌ 8712659860 కు సమాచారం అందించాలని, సమాచారం తెలిపిన వారి వివరాలను గోప్యంగా ఉంచుతామని ఎస్సై కే. గోపి తెలిపారు.
