క్రీడాకారుడికి అండగా నిలిచిన బీసీ సంక్షేమ సంఘం

ఆర్మూర్‌, జూలై 15

నిజామాబాద్‌ న్యూస్‌ డాట్‌ ఇన్‌ : తెలంగాణ రాష్ట్రంలోని నిజామాబాద్‌ జిల్లా ఆర్మూర్‌ పట్టణానికి చెందిన ఓరుసు మహేష్‌ ఇటీవల గోవాలో నిర్వహించిన అండర్‌ 17 రూరల్‌ గేమ్స్‌ ఆఫ్‌ ఫెడరేషన్‌ ఇండియా నేషనల్‌ లెవెల్‌ గేమ్‌లో గోల్డ్‌ మెడల్‌ సాధించారు. ఆగస్టు 25న నేపాల్‌ భూటాన్‌లో జరిగే ఇంటర్నేషనల్‌ గేమ్స్‌లో ఎంపికయ్యారు. అక్కడ గేమ్స్‌లో పాల్గొనడానికి బిసి సంక్షేమ సంఘం ఉమ్మడి నిజామాబాద్‌ జిల్లా అధ్యక్షుడు అబ్బగోని అశోక్‌గౌడ్‌ అండగా నిలిచి తన వంతు సహాయ సహకారాన్ని అందించారని కుటుంబ సభ్యులు తెలిపారు.

అబ్బగోని అశోక్‌ గౌడ్‌ మాట్లాడుతూ ఓర్సు మహేష్‌ క్రీడా రంగంలో మరింత ఉన్నత స్థాయికి ఎదగాలని, మహేశ్‌కు ఏ అవసరం వచ్చినా తన వంతు సహాయ సహకారాలు అందిస్తానని అబ్బగోని అశోక్‌ గౌడ్‌ తెలిపారు. ఓర్సు మహేష్‌ను అభినందిస్తూ భారతదేశం గర్వించదగ్గ క్రీడాకారునిగా ఎదగాలని తెలిపారు. జాతీయ క్రీడాకారుడు ఓర్సు మహేష్‌ మాట్లాడుతూ భారతదేశం తరఫున ఆడి గోల్డ్‌ మెడల్‌ సాధిస్తా అని దీమా వ్యక్తం చేస్తూ తనకు అండగా నిలిచిన అబ్బగోని అశోక్‌ గౌడ్‌ కు కృతజ్ఞతలు తెలిపారు.