క్రీడలలో మహిళలు ముందుండాలి

డిచ్‌పల్లి, ఆగష్టు 14

నిజామాబాద్‌ న్యూస్‌ డాట్‌ ఇన్‌ : రాష్ట్ర ఎయిడ్స్‌ నియంత్రణ సంస్థ ఆధ్వర్యంలో హైదరాబాద్‌ నెక్లెస్‌ రోడ్‌ నందు జరిగిన రాష్ట్రస్థాయి యూత్‌ ఫెస్ట్‌ 5 కేరన్‌ (5 కిలోమీటర్ల పరుగు పందెంలో) గుర్రపు రోజా ద్వితీయ స్థానం సాధించారు. అత్యంత ప్రతిభ కనబరిచిన బి.ఏ ద్వితీయ సంవత్సరానికి చెందిన గుర్రపు రోజా తెలంగాణ సాంఘిక సంక్షేమ గురుకుల మహిళా కళాశాల దాస్‌ నగర్‌, నిజామాబాద్‌ విద్యార్థిని తెలంగాణ విశ్వవిద్యాలయం రిజిస్ట్రార్‌ ఆచార్య ఎం యాదగిరి శాలువా మెమొంటోతో అభినందించారు.

మహిళలు విద్యతోపాటు క్రీడారంగంలో ముందుండి రాష్ట్ర, దేశ ఖ్యాతిని అంతర్జాతీయంగా నిలబెట్టాలని ఆచార్య యాదగిరి ఈ సందర్భంగా తెలిపారు. ఎన్‌ఎస్‌ఎస్‌ వాలంటీర్‌ అయిన గుర్రపు రోజా నిరుపేద గ్రామీణ కుటుంబంలో పుట్టి గురుకుల పాఠశాల అధ్యాపకులు అందించిన చైతన్యంతో క్రీడలలో ముందుకు పోతున్నారు.

అభినందన కార్యక్రమంలో తెలంగాణ విశ్వవిద్యాలయ ఎన్‌ఎస్‌ఎస్‌ సమన్వయకర్త డాక్టర్‌ రవీందర్‌ రెడ్డి, గురుకుల కళాశాల అధ్యాపకులు డా. యం.సరిత ఎన్‌ఎస్‌ఎస్‌ జూనియర్‌ అసిస్టెంట్‌ సురేష్‌ పాల్గొన్నారు.