Telangana Live Telangana Live News and Views 24X7
నిజామాబాద్‌, ఆగష్టు 25
నిజామాబాద్‌ న్యూస్‌ డాట్‌ ఇన్‌ : అఖిల భారత కాంగ్రెస్‌ వర్కింగ్‌ కమిటీలో ప్రత్యేక ఆహ్వానితులుగా నియామకమై మొదటిసారి హైదరాబాద్‌కు వచ్చిన సందర్భంగా ఎఐసిసి కార్యదర్శి మాజీ ఎమ్మెల్యే వంశీచంద్‌ రెడ్డిని శంషాబాద్‌ విమానాశ్రయంలో పిసిసి డెలిగేట్‌ డాక్టర్‌ కూనీపూర్‌ రాజారెడ్డి, రాష్ట్ర యూత్‌ కాంగ్రెస్‌ అధ్యక్షులు శివసేనారెడ్డి, జిల్లా యూత్‌ కాంగ్రెస్‌ మాజీ అధ్యక్షులు ఘన్‌ రాజు, పార్లమెంట్‌ యూత్‌ కాంగ్రెస్‌ మాజీ ఇంచార్జ్‌ జినకరి నరేష్‌, రాష్ట్ర యూత్‌ కాంగ్రెస్‌ ప్రధాన కార్యదర్శి మరియు కార్యదర్శి గణేష్‌ రెడ్డి, జగడం సుమన్‌, అడ్వకేట్‌ గణేష్‌ కలిసి అభినందనలు తెలిపారు.
ఈ సందర్భంగా డాక్టర్‌ రాజారెడ్డి మాట్లాడుతూ వంశీచంద్‌ రెడ్డి రాష్ట్ర ఎన్‌ఎస్‌యుఐ అధ్యక్షులుగా ఉన్నప్పుడు వారి నాయకత్వంలో 2006 తెలంగాణ యూనివర్సిటీ మొట్ట మొదటి అధ్యక్షునిగా మరియు రాష్ట్ర యూత్‌ కాంగ్రెస్‌ అధ్యక్షులుగా వారి నాయకత్వంలో బాన్సువాడ నియోజకవర్గ యూత్‌ కాంగ్రెస్‌ అధ్యక్షుడిగా పనిచేసే అదృష్టం కలిగిందని, నేడు వంశీచంద్‌ రెడ్డి కాంగ్రెస్‌ పార్టీ వర్కింగ్‌ కమిటీలో ప్రత్యేక ఆహ్వానితులుగా నియామకమవడం చాలా సంతోషంగా ఉందని, రాబోవు రోజులో ఉన్నత పదవులు చేపట్టాలని ఆకాంక్షించారు.
