డిగ్రీ పరీక్షల్లో ఇద్దరు డిబార్‌

డిచ్‌పల్లి, జూలై 8

నిజామాబాద్‌ న్యూస్‌ డాట్‌ ఇన్‌ : ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య నసీం ఆదేశానుసారం తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ బి.ఎ., బి.కాం., బి.ఎస్సీ., బి.బి.ఎ., బి.ఎ.(ఎల్‌) కోర్సులకు చెందిన మూడవ, ఐదవ సెమిస్టర్‌ రెగ్యూలర్‌ థియరీ పరీక్షలు, ఎం.ఎడ్‌. రెండవ సెమిస్టర్‌ రెగ్యూలర్‌ / బ్యాక్‌ లాగ్‌ థియరీ పరీక్షలు గురువారం కూడా ప్రశాంతంగా జరిగినట్లు పరీక్షల నియంత్రణాధికారి డా. పాత నాగరాజు తెలిపారు.

ఉదయం 10 -12 గంటల వరకు డిగ్రీ మూడవ సెమిస్టర్‌ రెగ్యూలర్‌ పరీక్షలకు మొత్తం 7726 మంది విద్యార్థులు నమోదు చేసుకోగా 6813 మంది హాజరు, 913 మంది గైర్హాజరు అయినట్లు తెలిపారు. అలాగే ఎం.ఎడ్‌. రెండవ సెమిస్టర్‌ రెగ్యూలర్‌ / బ్యాక్‌ లాగ్‌ పరీక్షలకు మొత్తం 38 మంది విద్యార్థులు నమోదు చేసుకోగా 34 మంది హాజరు, 4 మంది గైర్హాజరు అయినట్లు ఆయన తెలిపారు.

మధ్యాహ్నం 2 – 4 గంటల వరకు డిగ్రీ ఐదవ సెమిస్టర్‌ రెగ్యూలర్‌ పరీక్షలకు మొత్తం 7427 మంది విద్యార్థులు నమోదు చేసుకోగా 6774 మంది హాజరు, 653 మంది గైర్హాజరు అయినట్లు నాగరాజు తెలిపారు.

ఉదయం కామారెడ్డిలోని మంజీరా డిగ్రీ కళాశాల పరీక్షా కేంద్రంలో మూడవ సెమిస్టర్‌లో అడ్వాన్స్‌ అకౌంటింగ్‌ సబ్జెక్ట్‌లో ఒక్కరు, మధ్యాహ్నం బోధన్‌ ప్రభుత్వ డిగ్రీ కళాశాల పరీక్షా కేంద్రంలో బ్యాంకింగ్‌ థియరీ, ప్రాకీస్‌ సబ్జెక్ట్‌లో ఒకరు మాల్‌ ప్రాక్టీసుకు పాల్పడుతూ డిబార్‌ అయినట్లు ఆయన పేర్కొన్నారు.

Check Also

ఘనంగా బాబూ జగ్జీవన్‌ రాం జయంతి వేడుకలు

Print 🖨 PDF 📄 eBook 📱 నిజామాబాద్‌, ఏప్రిల్‌ 5 నిజామాబాద్‌ న్యూస్‌ డాట్‌ ఇన్‌ : భారత …

Leave a Reply

Your email address will not be published. Required fields are marked *

WP2Social Auto Publish Powered By : XYZScripts.com
Translate »