కామర్స్‌ విభాగానికి డీన్‌గా ఆచార్య జి రాంబాబు

డిచ్‌పల్లి, సెప్టెంబర్‌ 8

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలో వైస్‌ ఛాన్స్లర్‌ వాకాటి కరుణ ఆదేశాల మేరకు రిజిస్ట్రార్‌ ఆచార్య ఎం. యాదగిరి తెలంగాణ విశ్వవిద్యాలయంలో కామర్స్‌ విభాగం డీన్‌ ఆచార్య. జి. రాంబాబుకి రెండు సంవత్సరాలకు గాను నియామకం ఉత్తర్వులను అందజేశారు.

గతంలో ఆచార్య జి.రాంబాబు కామర్స్‌ విభాగాధిపతిగా పాఠ్య ప్రణాళిక చైర్మన్‌గా, ఆడిట్‌ సెల్‌ జాయింట్‌ డైరెక్టర్గా, అడిషనల్‌ కంట్రోలర్‌గా, డైరెక్టర్‌ ఆఫ్‌ స్పోర్ట్స్‌, హాస్టల్‌ కు వైస్‌ ప్రిన్సిపాల్‌, ఆర్ట్స్‌ కళాశాల ఎన్‌ఎస్‌ఎస్‌ ప్రోగ్రామర్‌ ఆఫీసర్గా, పూర్వ విద్యార్థుల అసోసియేషన్‌కు డైరెక్టర్‌గా విజయవంతంగా విధులు నిర్వహించి అధికారుల మన్ననలు పొందారు.

నియామకపు ఉత్తర్వులు అందుకున్న ఆచార్య జీ రాంబాబు మాట్లాడుతూ విశ్వవిద్యాలయ అభివృద్ధిలో భాగం పంచుకుంటానని కామర్స్‌ విభాగంలో ప్రగతిశీల అన్వర్తిత పరిశోధనలకై కృషి చేస్తానని చెప్పారు.

ఈ సందర్భంగా ఆచార్య రాంబాబు వైస్‌ ఛాన్స్లర్‌ మరియు రిజిస్టార్లకు కృతజ్ఞతలు తెలిపారు.