Telangana Live Telangana Live News and Views 24X7
బీబీపేట్‌, సెప్టెంబర్‌ 8
నిజామాబాద్‌ న్యూస్‌ డాట్‌ ఇన్‌ : బీబీపేట్‌ మండలం మాందాపూర్‌ గ్రామానికి చెందిన జంగం భూమయ్య కూతురు లాస్య వివాహానికి ఆర్ధిక ఇబ్బందుల్లో ఉన్నామని మండల రైతుబంధు సమితి అధ్యక్షుడు అంకన్నగారి నాగరాజ్‌ గౌడ్‌ను సంప్రదించారు. కాగా హైదారాబాద్‌ శ్రీ బాలాజీ ట్యాక్స్‌ సర్వీసెస్‌ 15 వ వార్షికోత్సవం సందర్భంగా వారి సహకారంతో పుస్తే మట్టెలు అయిత బాల్‌ చంద్రం దంపతులు వధువుకు అందజేశారు.
ఈ సందర్భంగా వధువు కుటుంబ సభ్యులు మాట్లాడుతూ మా ఆడపడుచు వివాహానికి సహాయం చేయమని కోరగానే పుస్తే మట్టెలు అందింపజేసిన ఎస్‌బిటియస్‌ ఎండీ అయిత భాస్కర్‌కు, సహకరించిన మండల రైతుబంధు సమితి అధ్యక్షుడు అంకన్నగారి నాగరాజ్‌ గౌడ్‌కు ధన్యవాదాలు తెలిపారు. కార్యక్రమంలో వార్డు సభ్యుడు మల్లేష్‌, రాధ, సంతోష్‌, ప్రకాష్‌, కాశీలింగం తదితరులు పాల్గొన్నారు.
