వినాయక మండపాలకు ఎమ్మెల్యే విరాళం

రెంజల్‌, సెప్టెంబర్‌ 23

నిజామాబాద్‌ న్యూస్‌ డాట్‌ ఇన్‌ : రెంజల్‌ మండల కేంద్రంలో కొలువైన 27 వినాయక మండపాలకు ఎమ్మెల్యే షకీల్‌ ఒక్కొక్క మండపానికి 50 కిలోల బియ్యాన్ని అన్నదానం కొరకు అందజేసినట్లు సర్పంచ్ల ఫోరం మండల అధ్యక్షుడు స్థానిక సర్పంచ్‌ రమేష్‌ కుమార్‌ తెలిపారు.

శనివారం మండల కేంద్రంలో కొలువుదీరిన వినాయక మండపాలకు అన్నదానం కొరకు ఎమ్మెల్యే షకీల్‌ సహకారంతో ఒక్కొక్క మండపానికి 50 కిలోల చొప్పున బియ్యాన్ని అందజేయడం జరిగిందని అన్నారు. కులమతాలకు అతీతంగా గణేష్‌ ఉత్సవ వేడుకలను ఐక్యంగా జరుపుకోవాలని అన్నారు. కార్యక్రమంలో బిఆర్‌ఎస్‌ నాయకులు అంజయ్య, అసాని అనిల్‌, లోక గంగాధర్‌, అగ్గు నారాయణ, ప్రభాకర్‌ తదితరులు ఉన్నారు.