టియు సౌత్‌ క్యాంపస్‌ ప్రిన్సిపాల్‌గా డాక్టర్‌ సుధాకర్‌

డిచ్‌పల్లి, అక్టోబర్‌ 9

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయ సౌత్‌ క్యాంపస్‌ ప్రిన్సిపల్‌గా డాక్టర్‌ సుధాకర్‌ గౌడ్‌ను నియమించారు. తెలంగాణ విశ్వవిద్యాలయంలో వైస్‌ ఛాన్సలర్‌ వాకాటి కరుణ ఆదేశాల మేరకు రిజిస్ట్రార్‌ ఆచార్య ఎం యాదగిరి తెలంగాణ విశ్వవిద్యాలయ సౌత్‌ క్యాంపస్‌ ప్రిన్సిపల్‌గా డా.ఆర్‌.సుధాకర్‌ గౌడ్‌ని నియమించారు.

ఇటీవలే అసోసియేట్‌ ప్రొఫెసర్‌గా పదోన్నతి పొందిన డా. ఆర్‌.సుధాకర్‌ గౌడ్‌ గతంలో మూడు సార్లు ప్రిన్సిపల్‌గా, క్రీడల విభాగం సౌత్‌ క్యాంపస్‌ ఇంఛార్జిగా, పలుమార్లు విభాగాధిపతిగా, బోర్డ్‌ ఆఫ్‌ స్టడీస్‌ ఛైర్మెన్‌గా, ఎన్‌.ఎస్‌.ఎస్‌. ప్రోగ్రాం అధికారిగా బాధ్యతలు నిర్వర్తించారు. అంతకుముందు ప్రిన్సిపల్‌గా ఉన్న డా.కవితా తోరన్‌ బాధ్యతలను డా.సుధాకర్‌ గౌడ్‌కి అప్పగించారు.

ఈ సందర్భంగా నూతనంగా నియమించబడ్డ డా. సుధాకర్‌ గౌడ్‌ యూనివర్సిటీ తనకు అప్పగించిన బాధ్యతలను తప్పకుండా నిర్వరిస్తానని, ప్రతి ఒక్కరూ విధులు సక్రమంగా నిర్వహించేలా పర్యవేక్షిస్తానని తెలిపారు. ఈ సందర్భంగా అధ్యాపకులు, విద్యార్థులు శుభాకాంక్షలు తెలిపారు. కార్యక్రమంలో అధ్యాపకులు డా.ప్రతిజ్ఞ, డా.అంజయ్య, డా.హరిత, డా.మోహన్‌ బాబు, డా.నాగరాజు, డా. యాలాద్రీ, డా సునీత, డా.సరిత, డా.నిరంజన్‌, డా.నర్సయ్య, శ్రీకాంత్‌, డా.వైశాలి, డా.రమాదేవి, విద్యార్థులు తదితులు పాల్గొన్నారు.