డిగ్రీ పరీక్షల్లో నలుగురు డిబార్‌

డిచ్‌పల్లి, జూలై 13

నిజామాబాద్‌ న్యూస్‌ డాట్‌ ఇన్‌ : ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య నసీం ఆదేశానుసారం తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ బి.ఎ., బి.కాం., బి.ఎస్సీ., బి.బి.ఎ., బి.ఎ.(ఎల్‌) కోర్సులకు చెందిన ఐదవ సెమిస్టర్‌ రెగ్యూలర్‌ థియరీ పరీక్షలు మంగళవారం కూడా ప్రశాంతంగా జరిగినట్లు పరీక్షల నియంత్రణాధికారి డా. పాత నాగరాజు తెలిపారు.

మధ్యాహ్నం 2 – 4 గంటల వరకు డిగ్రీ ఐదవ సెమిస్టర్‌ రెగ్యూలర్‌ పరీక్షలకు మొత్తం 3632 మంది విద్యార్థులు నమోదు చేసుకోగా 3332 మంది హాజరు, 300 మంది గైర్హాజరు అయినట్లు ఆయన తెలిపారు. నిజామాబాద్‌లోని సిఎస్‌ఐ కళాశాల పరీక్షా కేంద్రంలో నలుగురు విద్యార్థులు మాల్‌ ప్రాక్టీస్‌కు పాల్పడుతూ డిబార్‌ అయినట్లు ఆయన పేర్కొన్నారు.