వివేకానంద స్వచ్ఛంద సేవా సమితి సేవలు అభినందనీయం…

కామారెడ్డి, అక్టోబర్‌ 15

నిజామాబాద్‌ న్యూస్‌ డాట్‌ ఇన్‌ : సంగారెడ్డి జిల్లా పటాన్‌ చెరువు నియోజకవర్గంలోని బొంతపల్లి గ్రామంలో ఆదివారం అబ్దుల్‌ కలాం జయంతిని పురస్కరించుకొని స్వామి వివేకానంద స్వచ్ఛంద సేవా సమితి ఆధ్వర్యంలో 12వ మెగా రక్తదాన శిబిరాన్ని విజయవంతంగా నిర్వహించారు.

కార్యక్రమానికి ఆత్మీయ అతిథిగా విచ్చేసిన ఐవిఎఫ్‌ సేవాదళ్‌ తెలంగాణ రాష్ట్ర చైర్మన్‌, సమన్వయకర్త డాక్టర్‌ బాలు మాట్లాడుతూ గత 12 సంవత్సరాల నుండి రక్తదాన శిబిరాలు నిర్వహిస్తూ, రక్తదానంపై సమాజంలో అవగాహన కల్పించడమే కాకుండా అత్యవసర పరిస్థితుల్లో ఉన్నవారికి రక్తాన్ని అందజేస్తూ ప్రాణదాతలుగా నిలుస్తున్న సేవా సమితి వ్యవస్థాపకులు రెడ్డిగారి బిక్షపతి రెడ్డి, కార్యదర్శి నీరడి స్వామి, సలహాదారుడు ఉప్పునూతుల కిషోర్‌ గౌడ్‌ చేస్తున్న సేవలు అభినందనీయమని స్ఫూర్తిగా తీసుకొని యువత రక్తదానానికి ముందుకు రావాలన్నారు.

రక్తదాన శిబిరాన్ని ఏర్పాటు చేసిన కమిటీ సభ్యులను సన్మానించారు. కార్యక్రమంలో కామారెడ్డి రక్తదాతల సమూహ కార్యదర్శి శ్రీకాంత్‌ గౌడ్‌, బ్లడ్‌ బ్యాంక్‌ నిర్వాహకులు వేణు గోపాల్‌ గౌడ్‌, రక్తదాతలు పాల్గొన్నారు.