పచ్చదనం, పరిశుభ్రత పెంపొందించడమే పల్లె ప్రగతి లక్ష్యం

నందిపేట్‌, జూలై 15

నిజామాబాద్‌ న్యూస్‌ డాట్‌ ఇన్‌ : పచ్చదనం, పరిశుభ్రతను పెంపొందించాలనే లక్ష్యంతో నాలుగో విడత పల్లె ప్రగతి కార్యక్రమాన్ని చేపట్టి అమలు చేస్తున్నామని నందిపేట్‌ మండల పంచాయతీ అధికారి కిరణ్‌ కుమార్‌ అన్నారు. గురువారం గ్రామ కార్యదర్శి సాయి కుమార్‌తో కలిసి మండల కార్యాలయం వద్ద చేస్తున్న శుభ్రత పనులను పరిశీలించారు.

గ్రామంలో పచ్చదనం, పరిశుభ్రత, రైతు వేదిక, షాదీఖాన ఆవరణంలో మొక్కలు నాటుతున్నామన్నారు. మండల కాంప్లెక్స్‌ మొత్తం పచ్చదనంతో కళ కళ లాడేలా చెయ్యడమే లక్ష్యంగా పని చేస్తున్నామన్నారు. గ్రామంలో అంటువ్యాధులు, విష జ్వరాలు ప్రబలకుండా పరిసరాలను పరిశుభ్రంగా ఉంచుకోవాలని ఆయన కోరారు.