జాతీయస్థాయి క్రీడా పోటీలకు గురుకుల విద్యార్థిని

బాన్సువాడ, నవంబర్‌ 5

నిజామాబాద్‌ న్యూస్‌ డాట్‌ ఇన్‌ :

రాష్ట్రస్థాయి నెట్‌ బాల్‌ క్రీడలో జాతీయస్థాయి పోటీలకు బోర్లం క్యాంప్‌ గురుకుల పాఠశాల విద్యార్థిని సృజన ఎంపికైనట్లు గురుకుల పాఠశాల ప్రిన్సిపాల్‌ పద్మ కుమారి తెలిపారు. ఈ సందర్భంగా ఆమె మాట్లాడుతూ ఈనెల 3, 4, 5 తేదీలలో అండర్‌ 19 ఫెడరేషన్‌ ఆధ్వర్యంలో సిద్దిపేట్‌ జిల్లాలోని గజ్వేల్‌ బూరుగుపల్లి గ్రామంలో నిర్వహించిన రాష్ట్రస్థాయి క్రీడలకు పాఠశాల నుండి ఏడుగురు విద్యార్థులు పాల్గొనగా క్రీడలో ఉత్తమ ప్రతిభ కనబరిచి జాతీయ స్థాయి క్రీడలకు ఎంపికైన సృజనను పాఠశాల అధ్యాపక బృందం అభినందనలు తెలిపారు.

కార్యక్రమంలో పాఠశాల ప్రిన్సిపల్‌ పద్మ కుమారి, సుప్రీత, ప్రభావతి ఉపాధ్యాయ బృందం తదితరులు పాల్గొన్నారు.