Telangana Live Telangana Live News and Views 24X7
కామారెడ్డి, నవంబర్‌ 9
నిజామాబాద్‌ న్యూస్‌ డాట్‌ ఇన్‌ : ఎల్లారెడ్డి నియోజక వర్గానికి ఎన్నికల సాధారణ పరిశిలకులుకాగా నియమింపబడిన జగదీష్‌, ఐ.ఏ.ఎస్‌. అధికారి గురువారం కామారెడ్డి కి విచ్చేసిన సందర్భంగా జిల్లా ఎన్నికల అధికారి జితేష్‌ వి పాటిల్‌ మర్యాదపూర్వకంగా కలిసి పుష్పగుచ్చం అందజేశారు.
ఈ సందర్భంగా నియోజకవర్గంలో ఎన్నికల ప్రక్రియ ఏర్పాట్లు, నామినేషన్ల స్వీకరణ గురించి కలెక్టర్‌ను వివరాలు అడిగి తెలుసుకున్నారు. ఎన్నికల ఉల్లంఘన లేదా ఫిర్యాదులను మొబైల్‌ నెంబరు 9108715353 ద్వారా తన దృష్టికి తెచ్చినట్లయితే వెంటనే చర్యలు తీసుకోవడం జరుగుతుందని ఆయన తెలిపారు.
ఎల్లారెడ్డి నియోజక వర్గంలో ఎన్నికల సరళిని పరిశీలించేందుకు వీలుగా సమగ్ర వివరాలతో పాటు రూట్‌ మ్యాప్‌, లయజన్‌ అధికారి, సిబ్బందిని సమకూర్చడం జరిగిందన్నారు.
కార్యక్రమంలో వ్యయ పరిశిలకులు పర శివమూర్తి, అదనపు కలెక్టర్‌ చంద్ర మోహన్‌, యెల్లారెడ్డి ఆర్‌.డి.ఓ. మన్నె ప్రభాకర్‌, నోడల్‌ అధికారి రఘునందన్‌, జిల్లా పౌర సరఫరాల అధికారి మల్లికార్జున్‌ బాబు తదితరులు ఉన్నారు.
