చేయి చేయి కలుపుదాం…

నిజామాబాద్‌, నవంబర్‌ 14

నిజామాబాద్‌ న్యూస్‌ డాట్‌ ఇన్‌ :

నిజామాబాద్‌ పట్టణంలో తెలంగాణ జన సమితి పార్టీ నుండి నామినేషన్‌ వేసిన జాఫర్‌ కాంగ్రెస్‌ పార్టీ అభ్యర్థి షబ్బీర్‌ అలీ గెలుపు కొరకు ఆయనకు మద్దతుగా ఓట్లు చీలకుండా ఉండడానికి తన నామినేషన్‌ ఉపసంహరించుకొని పూర్తిస్థాయిగా మద్దతు తెలుపుతూ ఆయన గెలుపు కోసం కృషి చేస్తానని తెలిపారు.

ఈ సందర్భంగా షబ్బీర్‌ అలీ మాట్లాడుతూ జాఫర్‌కు కృతజ్ఞతలు తెలుపుతూ తనకు మద్దతుగా ఓట్లు చిలకుండా నామినేషన్‌ ఉపసంహరించుకుని తన గెలుపునకు కృషి చేస్తున్నందుకు రాబోయే కాలంలో వారికి సముచిత న్యాయం చేస్తానన్నారు. ప్రొఫెసర్‌ కోదండరాం మాట్లాడుతూ రాక్షస పాలను అంతమొందించడానికి అన్ని శక్తులు ఏకమై కేసీర్‌ను గద్దె దించే వరకు తమ పోరాటం సాగుతూనే ఉంటుందన్నారు.

బంగారు తెలంగాణగా చేసుకుందామనుకుంటే అప్పుల తెలంగాణ చేసి యువతను తాగుబోతు చేస్తున్నారని ఆరోపించారు. 5 లక్షల కోట్ల అప్పులు తప్ప తెలంగాణలో కొత్తగా ఒరిగింది ఏమీ లేదన్నారు. కాలేశ్వరం మేడిగడ్డ బ్యారేజీ కట్టి కమిషన్ల కక్కుర్తితో నాసిరకంగా కట్టారని, ఈరోజు కూలిపోవడానికి వస్తున్నాయన్నారు. మళ్లీ కేసీఆర్‌ ను గెలిపిస్తే మన రాష్ట్రం కోలుకోవడం చాలా కష్టం అవుతుందని ఆందోళన వ్యక్తం చేశారు.

అందరు ఏకమై బిఆర్‌ఎస్‌ను గద్దె దించడానికి కంకణం కట్టుకోవాలని, మహిళలు యువకులు, రైతులు సీనియర్‌ సిటిజన్స్‌ ప్రభుత్వ వ్యతిరేక ఓటు వేసేందకు ముందు వరుసలో ఉండాలన్నారు.