నిజాయితీ చాటుకున్న కండక్టర్‌

ఆర్మూర్‌, డిసెంబర్‌ 13

నిజామాబాద్‌ న్యూస్‌ డాట్‌ ఇన్‌ :

ఆర్మూర్‌ బస్‌ డిపోలో కండక్టర్‌గా విధులు నిర్వహిస్తున్న సుచరిత్‌ నిజాయితీని చాటుకున్నారు. రెండు రోజుల క్రితం ఆర్మూర్‌ నుండి నందిపేట్‌ బస్సులో విధులు నిర్వహిస్తూ ఉండగా ప్రయాణికుడు మొబైల్‌ ఫోన్‌, పర్స్‌ పోగొట్టుకోగా వారికి తిరిగి అందజేశారు.

బుధవారం రోజున ఆర్మూర్‌ డిపో నుండి వేల్పూర్‌ బస్సులో ప్రయాణిస్తున్న ప్రయాణికురాలు పర్స్‌ బస్సులో మరిచిపోయి వెళ్లగా ప్రయాణికురాలికి ఆ పర్సు అందించడం జరిగింది. అందులో అర్ధతులం బంగారు ఉంగరం మరియు 3 వేల 800 నగదు, ఏ.టీ.ఎం పాన్‌ కార్డులను ప్రయాణికురాలికి అందజేశారు. నిజాయితీ చాటుకున్న కండక్టర్‌ సుచరిత్‌కి ప్రయాణికులు కృతజ్ఞతలు తెలిపారు.