ఘనంగా అయ్యప్ప పడిపూజ

బాన్సువాడ, డిసెంబర్‌ 17

నిజామాబాద్‌ న్యూస్‌ డాట్‌ ఇన్‌ :

బాన్సువాడ పట్టణంలోని అయ్యప్ప ఆలయంలో బిజెపి జిల్లా నాయకుడు ఆర్షపల్లి సాయి రెడ్డి అయ్యప్ప దీక్షలో 18 సంవత్సరం పూర్తి చేసుకున్న సందర్భంగా ఆదివారం రుషితుల్య కార్యక్రమం ఘనంగా నిర్వహించారు. ఉదయం గణపతి హోమం, మధ్యాహ్నం అయ్యప్పకు అభిషేకాలు, భజన పడిపూజ, అన్న ప్రసాదం అందజేశారు. ఈ కార్యక్రమానికి ముఖ్యఅతిథిగా నాచారం పీఠాధిపతి శ్రీ మధుసూదనంద సరస్వతి స్వామీజీ హాజరై భక్తులనుదేశించి ప్రసంగించారు.

దీక్షలో ఎన్ని మైలురాయిళ్లు, ఎన్ని సంవత్సరాలు వేశామనేదానికంటే భగవంతుని పట్ల ఎంత భక్తి భావం పెరిగింది అనేది ముఖ్యమని అన్నారు. అందరినీ రక్షించే అయ్యప్ప దేవుని పట్ల అనురాగం భక్తి భావం ఉండాలని అన్నారు. బిజెపి రాష్ట్ర ఉపాధ్యక్షులు ఎండల లక్ష్మీనారాయణ హాజరై సాయి రెడ్డికి శాలువాతో సత్కరించారు. రుషితుల్య కార్యక్రమం నిర్వహించుకున్న సాయి రెడ్డికి రైతుబంధు సమన్వయ సమితి జిల్లా అధ్యక్షులు అంజిరెడ్డి మాజీ మార్కెట్‌ కమిటీ చైర్మన్‌ పాత బాలక్రిష్ణ శాలువా కప్పి సత్కరించారు.

సాయి రెడ్డి వీణ శ్రీ శౌర్యలకు గురు స్వాములు నూతన వస్త్రాలు అందజేశారు. కార్యక్రమంలో శంకర్‌ గురుస్వామి, మల్లికార్జున్‌ గురుస్వామి,రాజు గురుస్వామి, ర్యాల విట్టల్‌ రెడ్డి, ఆలయ కమిటీ అధ్యక్షులు ముదిరెడ్డి విట్టల్‌ రెడ్డి , కోశాధికారి ధనగారి కృష్ణారెడ్డి, కార్యదర్శి శంకర్‌ గౌడ్‌, మాలాధారణ స్వాములు తదితరులు పాల్గొన్నారు.