ఘనంగా గణిత దినోత్సవం

బాన్సువాడ, డిసెంబర్‌ 22

నిజామాబాద్‌ న్యూస్‌ డాట్‌ ఇన్‌ :

బాన్సువాడ మండల కేంద్రంలోని గుణ బాన్సువాడ జిల్లా పరిషత్‌ ఉన్నత పాఠశాలలో శుక్రవారం గణిత పితామహుడు రామానుజన్‌ జయంతి సందర్భంగా పాఠశాల ప్రధానోపాధ్యాయుడు విజయ్‌ రామానుజన్‌ చిత్రపటానికి పూలమాలవేసి ఘనంగా నివాళులు అర్పించారు.

ఈ సందర్భంగా విద్యార్థులకు మోడల్స్‌ ప్రదర్శన, ప్రాజెక్ట్‌ వర్క్‌, క్విజ్‌ పోటీలు,రిడిల్స్‌, పోటీలను నిర్వహించి ఉత్తమ ప్రతిభ కనబరిచిన విద్యార్థులకు బహుమతులు అందజేశారు. కార్యక్రమంలో పాఠశాల ప్రధానోపాధ్యాయులు విజయకుమార్‌, ఉపాధ్యాయ బృందం, విద్యార్థిని విద్యార్థులు తదితరులు పాల్గొన్నారు.