వైభవంగా వైకుంఠ ఏకాదశి

ఆర్మూర్‌, డిసెంబర్‌ 23

నిజామాబాద్‌ న్యూస్‌ డాట్‌ ఇన్‌ :

ఆర్మూర్‌ మున్సిపల్‌ పరిధిలోని కోటార్మూర్‌లో గల విశాఖ కాలనీ నందు గల శ్రీ రమా సత్యనారాయణ స్వామి ఆలయంలో వైకుంఠ ఏకాదశి (ఉత్తర ద్వారా) దర్శనం పూజ కార్యక్రమం ఉదయం 4 నుండి భక్తుల దర్శనం ప్రారంభమైంది. ఆలయ అర్చకులు గౌతం పాండే ఆధ్వర్యంలో పల్లకి సేవ కార్యక్రమాన్ని ఘనంగా నిర్వహించి రమా సత్యనారాయణ దేవతామూర్తులకు ఉత్తర ద్వార దర్శనం ద్వారా భక్తులు దర్శనం చేసుకున్నారు.

కార్యక్రమంలో ఆలయ కమిటీ సభ్యులు విశాఖ కాలనీ కుటుంబ సభ్యులు పెర్కిట్‌ కోటార్‌ మోర్‌ మామిడిపల్లి మరియు చుట్టుపక్కల గ్రామాల నుండి భక్తులు అధిక సంఖ్యలో వచ్చి దర్శించుకున్నారు.