ప్రశాంతంగా పీజీ పరీక్షలు

డిచ్‌పల్లి, జూలై 20

నిజామాబాద్‌ న్యూస్‌ డాట్‌ ఇన్‌ : ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య నసీం ఆదేశానుసారం తెలంగాణ విశ్వవిద్యాలయంలోని అన్ని అనుబంధ కళాశాలలో గల పీజీ ఎం.ఎ., ఎం.కాం., ఎం.ఎస్సీ., ఎం.ఎస్‌.బ్ల్యూ., ఎం.బి.ఎ., ఎం.సి.ఎ., ఎ.పి.ఇ., ఐ.ఎం.బి.ఎ., ఐ.పి.సి.హెచ్‌., ఎల్‌ ఎల్‌ బి., ఎల్‌ ఎల్‌ ఎం. కోర్సులకు చెందిన మూడవ, ఐదవ, ఏడవ, తొమ్మిదవ సెమిస్టర్స్‌ థియరీ రెగ్యూలర్‌ పరీక్షలు మంగళవారం కూడా ప్రశాంతంగా కొనసాగుతున్నట్లు పరీక్షల నియంత్రణాధికారి డా. పాత నాగరాజు తెలిపారు.

ఉదయం 10 – 12 గంటల వరకు జరిగిన పీజీ మూడవ, ఐదవ, ఏడవ, తొమ్మిదవ సెమిస్టర్‌ రెగ్యూలర్‌ పరీక్షలకు మొత్తం 2168 మంది విద్యార్థులు నమోదు చేసుకోగా 2041 మంది హాజరు, 127 మంది గైర్హాజరు అయినట్లు ఆయన తెలిపారు. ఏ పరీక్షాకేంద్రంలో కూడా మాల్‌ ప్రాక్టీస్‌ కేసులు నమోదు కాలేదని అన్నారు.