ప్రారంభమైన డిగ్రీ పరీక్షలు

డిచ్‌పల్లి, మే 21

నిజామాబాద్‌ న్యూస్‌ డాట్‌ ఇన్‌ :

తెలంగాణ విశ్వవిద్యాలయ అనుబంధ కళాశాలల పరిధిలోని (సిబిసిఎస్‌) బి. ఎ ./ బీ.కాం./ బీ. ఎస్సీ./ బి బి ఏ కోర్సులకు రెండవ, నాలుగవ మరియు ఆరవ సెమిస్టరు రెగ్యులర్‌ మరియు ఒకటవ, మూడవ, ఐదవ సెమిస్టర్‌ బ్యాక్‌లాగ్‌ పరీక్షలు విశ్వవిద్యాలయ పరిధిలో 38 సెంటర్లలో తొలిరోజు ప్రశాంతంగా ప్రారంభమైనట్టు వర్సిటీ అధికారులు పేర్కొన్నారు.

ఉదయం జరిగిన పరీక్షకు 8931 విద్యార్థులు హాజరు కావలసి ఉండగా 8534 మంది విద్యార్థులు హాజరైనారని, 397 మంది విద్యార్థులు హాజరు కాలేదన్నారు.

మధ్యాహ్నం జరిగిన పరీక్షకు 386 మంది విద్యార్థులు హాజరు 354 మంది విద్యార్థులు హాజరైనారని, 32 మంది విద్యార్థులు హాజరు కాలేదని, పరీక్షలు ప్రశాంతంగా జరిగాయని ఆడిట్‌ సెల్‌ డైరెక్టర్‌ ఆచార్య ఘంటా చంద్రశేఖర్‌ పేర్కొన్నారు.