బక్రీద్‌ నేపథ్యంలో ట్రాఫిక్‌ మళ్లింపు

నిజామాబాద్‌, జూన్‌ 15

నిజామాబాద్‌ న్యూస్‌ డాట్‌ ఇన్‌ :

ఈనెల 17న సోమవారం బక్రీద్‌ పండుగ సందర్భంగా ఖిల్లా ఈద్గా, బోధన్‌ బస్టాండ్‌ ఈద్గా, పులాంగ్‌ ఈద్గాలలో, ముస్లీంలు ప్రార్ధనలు చేస్తారు కాబట్టి ఉదయం 6 గంటల నుండి మద్యాహ్నం 12 గంటల వరకు ట్రాఫిక్‌ దారి మళ్లింపులు చేయబడుతాయని కమిషనర్‌ ఆఫ్‌ పోలీస్‌ కల్మేశ్వర్‌ సింగెనవర్‌ ఒక ప్రకటనలో తెలిపారు.

1. బోధన్‌ వైపు వెళ్లేవారు ఆర్‌.టి.సి బస్‌ స్టాండ్‌ నుండి ఫ్లై ఓవర్‌ బ్రిడ్జి శివాజీ చౌక్‌, గంజ్‌, నిజాం కాలని మీదుగా అర్సాపల్లి నుండి బోధన్‌కు వెళ్లాలని సూచించారు.
2. హైదరాబాద్‌ నుండి బోధన్‌ వైపు వెళ్లేవారు మాదవనగర్‌ బై పాస్‌ నుండి కంఠేశ్వర్‌ బైపాస్‌, న్యూ కలెక్టరేటు ద్వారా అర్సావల్లి మీదుగా బోధనకు వెళ్లాలన్నారు.
3. బోధన్‌ నుండి నిజామాబాద్‌ వచ్చేవారు అర్సావల్లి సర్కిల్‌ నుండి న్యూ కలెక్టరేటు మీదుగా కంఠేశ్వర్‌ బైపాస్‌ , ఎన్‌.టి.ఆర్‌ సర్కిల్‌, ఆర్‌.టి.సి బస్‌ స్టాండ్‌కు రావాలన్నారు.

కావున నగర ప్రజలు ఇట్టి విషయాన్ని గమనించి తమతో సహకరించగలరని వివరించారు.