డ్రైనేజీలో పడి మున్సిపల్‌ కార్మికుడు మృతి

బాన్సువాడ, జూలై 9

నిజామాబాద్‌ న్యూస్‌ డాట్‌ ఇన్‌ :

బాన్సువాడ మున్సిపాలిటీలో విధులు నిర్వహిస్తున్న కార్మికుడు గంగాధర్‌ (39) పట్టణంలోని తాడ్కోల్‌ రోడ్డులో సోమవారం రాత్రి మద్యం తాగాడు. మత్తులో ఉన్న గంగాధర్‌ కల్వర్టుపై నిద్రపోగా డ్రైనేజీలో పడి ఊపిరాడక మృతి చెందాడు.

మంగళవారం ఉదయం స్థానికులు గుర్తించి పోలీసులకు సమాచారం ఇచ్చారు. కేసు నమోదు చేసుకొని దర్యాప్తు చేస్తున్నట్లు సిఐ కృష్ణ తెలిపారు.