డిజిటల్‌ తరగతులు నిర్వహణకు పరికరాలు అందించిన పూర్వ విద్యార్థులు

బాన్సువాడ, సెప్టెంబర్‌ 26

నిజామాబాద్‌ న్యూస్‌ డాట్‌ ఇన్‌ :

ప్రభుత్వ పాఠశాలలో చదివే విద్యార్థులకు చేయూతనందించేందుకు ఎల్లారెడ్డి ప్రభుత్వ జూనియర్‌ కళాశాలలో 1980, 1982 బ్యాచ్‌ కు సంబంధించిన పూర్వ విద్యార్థులు బాన్సువాడ పట్టణంలోని కొన బాన్సువాడ ఎంపీపీఎస్‌ ప్రధానోపాధ్యాయులు రాజశేఖర్‌ చౌదరి ఆధ్వర్యంలో పాఠశాలకు డిజిటల్‌ పరికరాలను అందజేశారు.

ఈ సందర్భంగా వారు మాట్లాడుతూ ప్రభుత్వ పాఠశాలలో చదివే పేద మధ్యతరగతి విద్యార్థులకు కార్పొరేట్‌ స్థాయి విద్యను అభ్యసించే అవకాశాన్ని కల్పించడం కోసం ఇంటర్మీడియట్‌ పూర్వ విద్యార్థులు తమకు తోచినంత సహాయాన్ని చేస్తూ ఇతరులకు ఆదర్శంగా నిలుస్తున్నారు.

జిల్లాలోని నాగిరెడ్డిపేట్‌ మండలంలోని రాఘవపల్లి, అంకంపల్లి, రాఘవపల్లితండా, పిట్లం మండలంలోని బండపల్లి, ఎల్లారెడ్డి మండలంలోని మల్లయ్య పల్లి గ్రామాల్లోని ప్రభుత్వ పాఠశాలలకు టై, బెల్టులు నోటు పుస్తకాలు అందజేశారు.

భవిష్యత్తులో మరిన్ని పాఠశాలలకు తమ వంతు సహకారం అందిస్తామన్నారు. కార్యక్రమంలో పాఠశాల ప్రధానోపాధ్యాయులు రాజశేఖర్‌ చౌదరి, మహేందర్‌, సంతోష్‌ సంధ్యారాణి, పూర్వ విద్యార్థులు సత్యనారాయణమూర్తి, రెహమాన్‌ చౌదరి, నాగేందర్‌ రెడ్డి,సంజీవరెడ్డి, నరసింహారెడ్డి, కిష్టయ్య, రాజేంద్రప్రసాద్‌, శ్రీనివాస్‌ రెడ్డి, రవీందర్‌, వెంకటేశ్వర్‌ తదితరులు పాల్గొన్నారు.