అన్ని హంగులతో అందుబాటులోకి ఏటీసీ కేంద్రాలు

నిజామాబాద్‌, అక్టోబర్‌ 20

నిజామాబాద్‌ న్యూస్‌ డాట్‌ ఇన్‌ :

రాష్ట్ర ప్రభుత్వం జిల్లాలో ప్రతిష్టాత్మకంగా నెలకొల్పిన అడ్వాన్స్డ్‌ టెక్నాలజీ సెంటర్లు అధునాతన హంగులతో అందుబాటులోకి రానున్నాయని కలెక్టర్‌ రాజీవ్‌ గాంధీ హనుమంతు ఆదివారం ఒక ప్రకటనలో తెలిపారు. ఈ కేంద్రాల శాశ్వత భవన నిర్మాణాలు, శిక్షణా తరగతుల ఏర్పాట్లపై ప్రత్యేక దృష్టిని కేంద్రీకరిస్తున్నామని అన్నారు. ఏటీసీ లలో శిక్షణ పూర్తి చేసుకున్న వారికి సత్వరమే ఉద్యోగ, ఉపాధి లభించేందుకు విరివిగా అవకాశాలు ఉన్నందున ప్రత్యేక ప్రాధాన్యత కనబరుస్తున్నామని తెలిపారు.

టాటా టెక్నాలజీస్‌ లిమిటెడ్‌ కంపెనీ సహకారం, సమన్వయంతో యువతలో నైపుణ్యం పెంపొందించడం కోసం ఆమోదించిన పరిశ్రమ 4.0 ట్రేడ్‌లలో నైపుణ్య కోర్సులను ప్రవేశపెట్టడానికి తెలంగాణ ప్రభుత్వం ప్రభుత్వ పారిశ్రామిక శిక్షణా సంస్థలలో అధునాతన సాంకేతిక కేంద్రాలను ఏర్పాటు చేస్తోందన్నారు. ఏటీసీలలో అధునాతన కోర్సులను పూర్తి చేసిన తర్వాత విద్యార్థులకు క్యాంపస్‌ డ్రైవ్‌ (క్యాంపస్‌ ప్లేస్‌మెంట్స్‌) నిర్వహించబడుతుందని, డొమెస్టిక్‌ , మల్టీ-నేషనల్‌ కంపెనీల ద్వారా రిక్రూట్‌ చేయబడతారని అన్నారు.

కేంద్ర, రాష్ట్ర ప్రభుత్వ సంస్థలలో అప్రెంటిస్‌షిప్‌, ఉద్యోగ అవకాశాలను పొందవచ్చని, టాటా మోటార్స్‌, టాటా అడ్వాన్స్‌డ్‌ సిస్టమ్స్‌, కిర్లోస్కర్‌, మహీంద్రా, హెచ్‌ఏఎల్‌, లాక్‌హీడ్‌ మార్టిన్‌ ఆధారిత కంపెనీ మొదలైన 100 కంటే ఎక్కువ కంపెనీలలో ఉద్యోగ, ఉపాధి అవకాశాలు లభించవచ్చని తెలిపారు.

అడ్వాన్స్డ్‌ టెక్నాలజీ సెంటర్లలో నూతనంగా ప్రవేశపెట్టిన కొత్త కోర్సులను, వాటిని నేర్చుకుంటే కలిగే ఉపయోగాలను ఈ సందర్భంగా కలెక్టర్‌ వివరించారు. మ్యానుఫ్యాక్చరింగ్‌ ప్రాసెస్‌ కంట్రోల్‌ అండ్‌ ఆటోమేషన్‌ : ఈ కోర్సు కాల వ్యవధి 1 సంవత్సరం వుంటుంది. ప్రతి ఏటీసీ సెంటర్‌ లో సీట్ల సంఖ్య 40 వరకు వున్నాయి. ఈ కోర్సులో స్వయంచాలక తయారీ ప్రక్రియలు, నియంత్రణ వ్యవస్థలు, నాణ్యత నిర్వహణలో విద్యార్థులను నైపుణ్యంతో సన్నద్ధం చేయడం వంటివి ఉంటాయి. ప్రోగ్రామింగ్‌ లాంగ్వేజెస్‌ (పి ఎల్‌ సి సి ఎన్‌ సి ), పారిశ్రామిక ఆటోమేషన్‌ (సెన్సార్లు, యాక్యుయేటర్లు, నియంత్రణ వ్యవస్థలు), రోబోటిక్స్‌, మెకాట్రానిక్స్‌, ప్రోసెస్‌ కంట్రొల్‌ అండ్‌ మేనేజ్మెంట్‌, నాణ్యత నియంత్రణ, నిర్వహణ, ఎలక్ట్రికల్‌ ఎలక్ట్రానిక్స్‌, న్యూమాటిక్స్‌, హైడ్రాలిక్స్‌ లో తర్ఫీదు ఇస్తారు.

ఈ కోర్సు నేరుచుకున్న వారు ఆటోమేషన్‌ టెక్నీషియన్‌, ప్రాసెస్‌ కంట్రోల్‌ ఇంజనీర్‌, తయారీ ఇంజనీర్‌, క్వాలిటీ కంట్రోల్‌ ఇన్స్పెక్టర్‌, రోబోటిక్స్‌ మెయింటెనెన్స్‌ టెక్నీషియన్‌, ఇండస్ట్రియల్‌ ఎలక్ట్రిషియన్‌, కంట్రోల్‌ సిస్టమ్‌ టెక్నీషియన్‌ గా స్థిరపడవచ్చు. ఆటోమోటివ్‌, ఏరోస్పేస్‌, ఫార్మాస్యూటికల్స్‌, ఫుడ్‌ ప్రాసెసింగ్‌, రసాయనాలు, టెక్స్‌ టైల్స్‌, చమురు, వాయువు పరిశ్రమలలో ఉద్యోగాలకు అవకాశం లభిస్తుంది.

మెకానిక్‌ ఎలక్ట్రిక్‌ వెహికల్‌ కోర్సు : దీని కాల వ్యవధి 2 సంవత్సరాలు, సీట్ల సంఖ్య 24 చొప్పున ఉన్నాయి. ఈ కోర్సు లో ఎలక్ట్రిక్‌ వాహనాల నిర్వహణ, మరమ్మత్తు మరియు ట్రబుల్‌ షూటింగ్లో విద్యార్థులను నైపుణ్యంతో సన్నద్ధం చేయడం వంటివి వుంటాయి. ఎలక్ట్రిక్‌ వెహికల్‌ ఆర్కిటెక్చర్‌, బ్యాటరీ నిర్వహణ వ్యవస్థలు, ఎలక్ట్రిక్‌ మోటార్‌ నియంత్రణ, పవర్‌ ఎలక్ట్రానిక్స్‌, ఛార్జింగ్‌ సిస్టమ్స్‌, భద్రతా ప్రోటోకాల్స్‌, ట్రబుల్‌ షూటింగ్‌, నిర్వహణ వుంటాయి.

ఈ కోర్సు నేర్చుకున్న వారు ఎలక్ట్రిక్‌ వెహికల్‌ టెక్నీషియన్‌ ఇ వి మెయింటెనెన్స్‌ ఇంజనీర్‌, బ్యాటరీ టెక్నీషియన్‌, ఛార్జింగ్‌ ఇన్ఫ్రాస్ట్రక్చర్‌ స్పెషలిస్ట్‌, ఇ వి సర్వీస్‌ సెంటర్‌ మేనేజర్‌ వంటి ఉద్యోగాలు పొందవచ్చు. ఎలక్ట్రిక్‌ వెహికల్‌ తయారీ, ఇ వి సర్వీస్‌ సెంటర్లు, ఛార్జింగ్‌ ఇన్ఫ్రాస్ట్రక్చర్‌ ప్రొవైడర్స్‌, ఆటోమోటివ్‌ పరిశోధన – అభివృద్ధి, పునరుత్పాదక ఇంధన రంగం వేగంగా అభివృద్ధి చెందుతున్న ఎలక్ట్రిక్‌ వాహనాల పరిశ్రమలలో అవకాశాలను కల్పిస్తుంది.

బేసిక్‌ డిజైనర్‌ అండ్‌ వర్చువల్‌ వెరిఫైయర్‌ (మెకానికల్‌), : ఈ కోర్సు కాల వ్యవధి 2 సంవత్సరాలు, సీట్ల సంఖ్య 24 చొప్పున ఉన్నాయి. కంప్యూటర్‌ ఎయిడెడ్‌ డిజైన్‌ సాఫ్ట్‌ వేర్‌ ను ఉపయోగించి మెకానికల్‌ డిజైన్‌, సిమ్యులేషన్‌, వెరిఫికేషన్లో విద్యార్థులను నైపుణ్యంతో సన్నద్ధం చేయడం జరుగుతుంది.

మెకానికల్‌ డిజైన్‌ ఫండమెంటల్స్‌, సిఎడి సాఫ్ట్వేర్‌ (సాలిడ్వర్న్‌, ఆటోడెస్క్‌ ఇన్వెంటర్‌), సి ఎ ఇ సాఫ్ట్వేర్‌ మోడలింగ్‌ – అనుకరణ, వర్చువల్‌ ధృవీకరణ, డిజైన్‌ ఫర్‌ మ్యానుఫ్యాక్చురబిలిటీ, రేఖాగణిత డైమెన్షనింగ్‌, టాలరెన్సింగ్‌ వంటివి వుంటాయి. ఈ కోర్సు నేర్చుకున్న వారు మెకానికల్‌ డిజైన్‌ ఇంజనీర్‌, డిజైన్‌ వెరిఫికేషన్‌ ఇంజనీర్‌, వర్చువల్‌ టెస్టింగ్‌ ఇంజనీర్‌, ఉత్పత్తి అభివృద్ధి ఇంజనీర్‌, తయారీ ఇంజనీర్‌ వంటి వాటికి అర్హులు. ఆటోమోటివ్‌, ఏరోస్పేస్‌ , పారిశ్రామిక సామగ్రి, వినియోగ వస్తువులు, వైద్య పరికరాలు, శక్తి యుటిలిటీస్‌, నిర్మాణం వంటి పరిశ్రమలలో ఉద్యోగ అవకాశాలు కల్పిస్తోంది.

ఆర్టిసన్‌ యూజింగ్‌ అడ్వాన్స్డ్‌ టూల్‌, కాలవ్యవధి 1 సంవత్సరం, సీట్ల సంఖ్య 20 చొప్పున ఉన్నాయి. ఈ కోర్సు లో వివిధ హస్తకళలు, ట్రేడ్లలో క్లిష్టమైన డిజైన్లు, నమూనాలు ఉత్పత్తులను రూపొందించడానికి అధునాతన సాధనాలు మరియు సాంకేతికతలను ఉపయోగించడంలో విద్యార్థులను నైపుణ్యంతో సన్నద్ధం చేయడం వంటివి ఉంటాయి.

అధునాతన సాధనం నిర్వహణ, ప్రెసిషన్‌ క్రాఫ్టింగ్‌, ఫినిషింగ్‌ టెక్నిక్స్‌, డిజైన్‌ వివరణ, విజువలైజేషన్‌, మెటీరియల్‌ ఎంపిక, ప్రాసెసింగ్‌, భద్రతా ప్రోటోకాల్లు మరియు వర్క్‌ షాప్‌ నిర్వహణ, కంప్యూటర్‌ ఎయిడెడ్‌ డిజైన్‌ సాఫ్ట్వేర్‌, 3డీ ప్రింటింగ్‌, మోడలింగ్‌. మాస్టర్‌ క్రాఫ్ట్స్‌ మాన్‌, టూల్‌ అండ్‌ డై మేకర్‌, ప్రెసిషన్‌ ఇన్స్ట్రుమెంట్‌ మేకర్‌, జ్యువెలరీ డిజైనర్‌ అండ్‌ మేకర్‌, ఫర్నిచర్‌ మేకర్‌ అండ్‌ రిస్టోరర్‌, శిల్పి – మోడల్‌ మేకర్‌, ఉత్పత్తి డిజైనర్‌ వంటి ఉద్యోగాలకు అర్హులు. క్రాఫ్ట్‌, హస్తకళలు, ఆభరణాలు, వాచ్‌ మేకింగ్‌, ఫర్నిచర్‌, చెక్క పని, శిల్పం తయారీ, ప్రెసిషన్‌ ఇన్స్ట్రుమెంటేషన్‌, ఏరోస్పేస్‌ అండ్‌ డిఫెన్స్‌, ఆటోమోటివ్‌ ఇండస్ట్రియల్‌ వంటి వాటిలో ఉద్యోగాలకు అవకాశాలను కల్పిస్తుంది.

అడ్వాన్స్డ్‌ సి ఎన్‌ సి మిషినింగ్‌ టెక్నీషియన్‌ ఈ కోర్సు కాల వ్యవధి 2 సంవత్సరాలు, సీట్ల సంఖ్య 24 చొప్పున ఉన్నాయి. ఈ కోర్సు లో వివిధ హస్తకళలు, ట్రేడ్లలో క్లిష్టమైన డిజైన్లు, నమూనాలు, ఉత్పత్తులను రూపొందించడానికి అధునాతన సాధనాలు, సాంకేతికతలను ఉపయోగించడంలో విద్యార్థులను నైపుణ్యంతో సన్నద్ధం చేయడం వంటివి ఉంటాయి. ఈ కోర్సు నేర్చుకున్న వారు మాస్టర్‌ క్రాఫ్ట్స్‌ మాన్‌, టూల్‌ అండ్‌ డై మేకర్‌, ప్రెసిషన్‌ ఇన్స్ట్రుమెంట్‌ మేకర్‌, జ్యువెలరీ డిజైనర్‌ అండ్‌ మేకర్‌, ఫర్నిచర్‌ మేకర్‌ అండ్‌ రిస్టోరర్‌ వంటి ఉద్యోగాలకు అర్హులు.

పదవ తరగతి ఉత్తీర్ణులు అయిన వారు పై కోర్సులలో నేరుగా చేరవచ్చని కలెక్టర్‌ సూచించారు. తొలి విడతగా జిల్లాలోని నిజామాబాద్‌ ప్రభుత్వ బాలుర ఐటీఐ, బోధన్‌, కమ్మర్పల్లి ప్రభుత్వ ఐ.టీ.ఐలలో ఈ నెలాఖరు లోపు ఇంటర్వ్యూకు హాజరై ప్రవేశాలు పొందవచ్చని తెలిపారు.