కొవ్వొత్తులతో నివాళులర్పించిన మలిదశ ఉద్యమకారులు

బాన్సువాడ, అక్టోబర్‌ 28

నిజామాబాద్‌ న్యూస్‌ డాట్‌ ఇన్‌ :

బాన్సువాడ పట్టణంలోని ఇందిరా గాంధీ చౌరస్తాలో సోమవారం మలిదశ ఉద్యమకారుల ఫోరం ఆధ్వర్యంలో డాక్టర్‌ బాపురెడ్డి అకాల మరణానికి కొవ్వొత్తులు వెలిగించి ఘనంగా నివాళులర్పించారు.

ఈ సందర్భంగా వారు మాట్లాడుతూ తెలంగాణ ఉద్యమంలో డాక్టర్‌ బాపు రెడ్డి అన్ని వర్గాలను, యువతను ఐక్యం చేసి జిల్లాలో తెలంగాణ రాష్ట్ర ఏర్పాటు కోసం ఎంతో పోరాడారని, ఆయన ఆశయాలకు అనుగుణంగా మనం అందరం కృషి చేయాలన్నారు.

కార్యక్రమంలో మలిదశ ఉద్యమం నాయకులు ఉడత గంగాధర్‌ గుప్త, చందు, కాల్వ శ్యామ్‌, పందిరి శ్రీనివాస్‌, విజయ్‌, కృష్ణ,సులేమాన్‌ తదితరులు పాల్గొన్నారు.