దీపావళి సందర్భంగా అగ్నిమాపక అధికారి పలు సూచనలు

కామారెడ్డి, అక్టోబర్‌ 30

నిజామాబాద్‌ న్యూస్‌ డాట్‌ ఇన్‌ :

కామారెడ్డి జిల్లా అగ్నిమాపక అధికారి సుధాకర్‌ ఆధ్వర్యంలో మీడియా సమావేశం నిర్వహించారు. మొదటగా జిల్లా ప్రజలందరికీ దీపావళి శుభాకాంక్షలు తెలిపారు. అనంతరం వారు మాట్లాడుతూ కామారెడ్డి ప్రజలు దీపావళి పండుగ సందర్భంగా టపాసులు కాల్చే సమయంలో పలు జాగ్రత్తలను సూచనలను పాటించాలని తెలిపారు.

టపాసులు కొనే సమయంలో నాణ్యత గల టపాకాయలను మాత్రమే ప్రజలు కొనుగోలు చేయాలని సూచించారు. లైసెన్స్‌ దారుల వద్ద నుండి కొనుగోలు చేయాలని టపాసులు ప్రజల మధ్యలో కాకుండా కాళీ స్థలములో మాత్రమే టపాసులు కాల్చాలని సూచించారు. టపాసులు కాల్చేటప్పుడు ముందుగా చిన్న పుల్లలు జాగ్రత్తలు పాటించాలని బకెట్లో నీటిని దగ్గర ఉంచుకొని టపాసులు కాల్చాలని తప్పనిసరిగా కాటన్‌ దుస్తులు ధరించాలని కుటుంబ పెద్దల సమక్షంలో పిల్లలు టపాసులు కాల్చాలని తెలిపారు.

పిల్లలు జాగ్రత్తలు ఒకసారి కాల్చిన టపాసులు మళ్లీ కాల్చకూడదని టపాసులు ఒకదాని తర్వాత ఒకటి కాల్చాలని టపాసులు కాల్చేటప్పుడు సురక్షితంగా దూరం పాటించగలరని పేర్కొన్నారు. ఇంటిలోపటల టపాసులు కాల్చకూడదని మరియు మండే స్వభావం గల పదార్థాల వద్ద టపాసులు కాల్చవద్దని పేలని టపాసులు మళ్లీ కాల్చకూడదని ఒకవేళ టపాసులు కాల్చేటప్పుడు ఏదైనా సంభవాలు జరిగితే వెంటనే సంబంధిత ఆస్పత్రిని సందర్శించాలని వివరించారు.

కార్యక్రమంలో సయ్యద్‌ మహమ్మద్‌ అలీ మరియు అగ్నిమాపక సిబ్బంది పాల్గొన్నారు.