Telangana Live Telangana Live News and Views 24X7
నందిపేట్‌, జూలై 25
నిజామాబాద్‌ న్యూస్‌ డాట్‌ ఇన్‌ : నందిపేట మండల కేంద్రంలో అడ్వకేట్‌ సాయికృష్ణ రెడ్డి ఇంటి వద్ద నూతనంగా నిర్మించిన అభయాంజనేయ పిరమిడ్‌ ధ్యాన మందిరం వద్ద గురు పౌర్ణమి పురస్కరించుకుని గ్రాండ్‌ సీనియర్‌ పిరమిడ్‌ మాస్టర్‌ మిణుగు రణవీర్‌ దంపతులను ఘనంగా సన్మానించారు. పిరమిడ్ల వ్యాప్తి కొరకు, ధ్యానం, ధ్యానం ప్రచారం, శాఖాహారం వల్ల లాభాల ప్రచారం కోసం రణవీర్‌ విశేషంగా కృషి చేస్తున్నారన్నారు.
వివిధ గ్రామాలకు చెందిన సుమారు 250 మంది ధ్యాన బంధువులు సన్మాన కార్యక్రమంలో పాల్గొన్నారు. వచ్చిన వారందరికీ భోజనాలు ఏర్పాటు చేశారు. గురుపౌర్ణమి సందర్భంగా గురువులను సన్మానించడం ఎంతో ఆనందదాయకం అని, గురువులు చేస్తున్న కృషికి ఫలితంగా ప్రతి ఒక్క వ్యక్తి వారి వారి గురువులను సన్మానించుకోవాల్సిందిగా అభయాంజనేయ స్వామి పిరమిడ్‌ నిర్మాణం కర్త సాయి కృష్ణ రెడ్డి తెలిపారు.
కార్యక్రమంలో రిటైర్డ్‌ ప్రధానోపాధ్యాయులు లక్ష్మణ్‌, అభిలాష్‌, మాస్టర్‌ శ్రీనివాస్‌, మాస్టర్‌ మాన్పూర్‌ సుభాష్‌, మాస్టర్‌ సంతోష్‌, వివిధ గ్రామాలకు చెందిన ధ్యాన బంధువులు పాల్గొన్నారు.
