ట్యాబ్‌ ఎంట్రీ సరిగా చేయాలి…

కామారెడ్డి, నవంబర్‌ 21

నిజామాబాద్‌ న్యూస్‌ డాట్‌ ఇన్‌ :

ధాన్యం కొనుగోలు కేంద్రాల్లో కొనుగోలు చేసిన వరి పంటను రైస్‌ మిల్లర్లకు తరలించాలని, ట్యాబ్‌ ఎంట్రీ సరిగా చేయాలని జిల్లా కలెక్టర్‌ ఆశిష్‌ సాంగ్వాన్‌ తెలిపారు. గురువారం రోజున సదాశివ నగర్‌ మండలం కుప్రియాల్‌లో ఏర్పాటుచేసిన ధాన్యం కొనుగోలు కేంద్రాన్ని కలెక్టర్‌ పరిశీలించారు. రైతులతో కలెక్టర్‌ మాట్లాడుతూ, వరి పంటను శుభ్రం చేసి, ఆరబెట్టి కొనుగోలు కేంద్రానికి తీసుకురావాలని తెలిపారు.

ఎన్ని రోజుల క్రితం వరి పంటను కొనుగోలు కేంద్రానికి తీసుకువచ్చారని రైతులను అడిగారు. వారం క్రితం తీసుకవచ్చమని రైతులు తెలిపారు. ఇప్పటివరకు 1877.20 క్వింటాళ్ల వరి పంటను 54 మంది రైతుల నుండి కొనుగోలు చేసినట్లు, కొనుగోలు చేసిన దానిలో 45 మంది రైతు ల వరి పంట1652 క్వింటాల్లు రైస్‌ మిల్లులకు పంపడం జరిగి, ట్యాబ్‌ ఎంట్రీ చేసినట్లు సెంటర్‌ ఇన్చార్జి తెలిపారు. మిగతావి లోడిరగ్‌ జరుగుతున్నట్లు తెలిపారు.

రైతులకు ఇబ్బంది కలుగకుండా చూడాలని కలెక్టర్‌ తెలిపారు. కార్యక్రమంలో పౌరసరఫరాల జిల్లా మేనేజర్‌ రాజేందర్‌, జిల్లా సహకార అధికారి రాం మోహన్‌, జడ్పీ సీఈవో చందర్‌, జిల్లా పంచాయతీ అధికారి శ్రీనివాస్‌ రెడ్డి, రైతులు, తదితరులు పాల్గొన్నారు.