ఆలూర్‌లో ఘనంగా మల్లన్న జాతర

ఆర్మూర్‌, డిసెంబరు 15

నిజామాబాద్‌ న్యూస్‌ డాట్‌ ఇన్‌ :

ఆలూరు మండల కేంద్రంలో వీడీసీ ఆధ్వర్యంలో ఆదివారం కండె రాయుడు మల్లన్న జాతర, రథోత్సవం వైభవంగా నిర్వహించారు. ఈ సందర్భంగా భక్తులు నైవేద్యాలు సమర్పిస్తూ, మొక్కులు తీర్చుకునేందుకు పెద్ద ఎత్తున బారులు తీరారు. గ్రామం, ఇతర గ్రామాల నుండి వచ్చిన భక్తులు పెద్ద ఎత్తున బోనాలతో పాటు రంగురంగు బంతిపూలతో అందంగా షిడి (రథం) ను డప్పు, కుర్మా డోలు వాయిద్యాలతో, భక్తుల మధ్య గుడి చుట్టూ 19 ప్రదక్షిణలు చేశారు.

జాతరలో ఎలాంటి అవాంఛనీయ ఘటనలు జరగకుండా అన్ని ఏర్పాట్లు చేశామని వీడిసి అధ్యక్షులు బార్ల ముత్యం తెలిపారు. ఈ సందర్భంగా బార్ల ముత్యం మాట్లాడుతూ 22వ తేదీ రెండవ రథోత్సవం నిర్వహిస్తామని, భక్తులు అధిక సంఖ్యలో పాల్గొనాలని, జాతరకు సహకరించిన ప్రజలందరికీ ధన్యవాదాలు తెలిపారు. కార్యక్రమంలో వీడీసీ సభ్యులు గ్రామ ప్రజలు తదితరులు పాల్గొన్నారు.