డిగ్రీ పరీక్షల్లో ఏడుగురు డిబార్‌

డిచ్‌పల్లి, జూలై 30

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో శుక్రవారం కూడా డిగ్రీ %డ% పీజీ %డ% బి.ఎడ్‌. పరీక్షలు ప్రశాంతంగా కొనసాగినట్లు పరీక్షల నియంత్రణాధికారి డా. పాత నాగరాజు తెలిపారు.

ఉదయం 10-12 గంటల వరకు డిగ్రీ మొదటి సెమిస్టర్‌ రెగ్యూలర్‌ థియరీ పరీక్షలకు మొత్తం 13 వేల 133 మంది విద్యార్థులు నమోదు చేసుకోగా 11 వేల 441 మంది హాజరు, 1692 మంది గైర్హాజరు అయినట్లు తెలిపారు. కాగా పీజీ నాల్గవ, ఎనిమిదవ, పదవ సెమిస్టర్‌ రెగ్యూలర్‌ థియరీ పరీక్షలకు మొత్తం 1366 మంది విద్యార్థులు నమోదు చేసుకోగా 1291 మంది హాజరు, 75 మంది గైర్హాజరు అయినట్లు ఆయన తెలిపారు.

మధ్యాహ్నం 2-4 గంటల వరకు డిగ్రీ రెండవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 3976 మంది విద్యార్థులు నమోదు చేసుకోగా 3696 మంది హాజరు, 280 మంది గైర్హాజరు అయినట్లు చెప్పారు. పీజీ ఆరవ సెమిస్టర్‌ రెగ్యూలర్‌ థియరీ పరీక్షలకు మొత్తం 73 మంది విద్యార్థులు నమోదు చేసుకోగా 71 మంది హాజరు, ఇద్దరు గైర్హాజరు అయినట్లు అన్నారు. బి.ఎడ్‌. నాల్గవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం ముగ్గురు విద్యార్థులు నమోదు చేసుకోగా ఇద్దరు హాజరు, ఒకరు గైర్హాజరు అయినట్లు ఆయన తెలిపారు.

మధ్యాహ్నం జరిగిన డిగ్రీ పరీక్షల్లో ఎల్లారెడ్డిలోని ప్రభుత్వ డిగ్రీ కళాశాల పరీక్షా కేంద్రంలో బాటనీ సబ్జెక్ట్‌లో ఒకరు, ఫిజిక్స్‌ సబ్జెక్ట్‌లో ఇద్దరు, కామారెడ్డిలోని పిజేఆర్‌ స్ఫూర్తి డిగ్రీ కళాశాల పరీక్షా కేంద్రంలో ఫిజిక్స్‌ సబ్జెక్ట్‌లో ఒకరు, నిజామాబాద్‌ సిఎస్‌ఐ డిగ్రీ కళాశాల పరీక్షా కేంద్రంలో ఎకనామిక్స్‌ సబ్జెక్ట్‌లో ఇద్దరు, బిజినెస్‌ అకౌంటింగ్‌ సబ్జెక్ట్‌ లో ఒకరు, మొత్తం ఏడుగురు విద్యార్థులు మాల్‌ ప్రాక్టీస్‌కు పాల్పడుతూ డిబార్‌ అయినట్లు సివోయి వివరించారు.