టీయూలో ఎన్‌ఎస్‌ఎస్‌ పరేడ్‌

డిచ్‌పల్లి, ఆగష్టు 14

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని పరిపాలనా భవనం ఎదుట 75 సంవత్సరాల భారత స్వాతంత్య్ర దినోత్సవాలలో భాగంగా ఆజాది కా అమృత్‌ మహోత్సవాన్ని పురస్కరించుకొని ఆదివారం ఉదయం 8:00 గంటలకు ఎన్‌ఎస్‌ఎస్‌ పరేడ్‌ నిర్వహిస్తున్నట్లు ఎన్‌ఎస్‌ఎస్‌ కో – ఆర్డినేటర్‌ డా. బి. ప్రవీణాబాయి ఒక ప్రకటనలో తెలిపారు.

ఈ సందర్భంగా తెలంగాణ విశ్వవిద్యాలయ ఉపకులపతి ఆచార్య డి. రవీందర్‌కి ఇదివరకు రిపబ్లిక్‌ పెరేడ్‌కు ఎంపికైన ఎన్‌ఎస్‌ఎస్‌ వాలంటీర్స్‌ సాదర స్వాగతం పలికి గౌరవ వందనం చేస్తారని ఆమె పేర్కొన్నారు. గౌరవ వందనం స్వీకరించిన అనంతరం ఉదయం 8:30 గంటలకు వైస్‌ఛాన్స్‌లర్‌ మువ్వన్నెల జెండా ఎగురవేస్తారని ఆమె తెలిపారు. కార్యక్రమంలో రిజిస్ట్రార్‌ ఆచార్య నసీంకు కూడా ఎన్‌ఎస్‌ఎస్‌ వాలంటీర్స్‌ స్వాగతం పలుకుతారని ఆమె వివరించారు.