Telangana Live Telangana Live News and Views 24X7
ఆర్మూర్‌, ఆగష్టు 18
నిజామాబాద్‌ న్యూస్‌ డాట్‌ ఇన్‌ : ముప్కాల్‌ మండలంలోని కొత్తపల్లి గ్రామంలో సర్దార్‌ సర్వాయి పాపన్న 371వ జయంతి వేడుకలను తెలంగాణ జాగృతి ఆధ్వర్యంలో ఘనంగా నిర్వహించారు. ఈ సందర్భంగా తెలంగాణ జాగృతి బాల్కొండ నియోజకవర్గ విద్యార్థి విభాగం కన్వీనర్‌ అవినాష్‌ మాట్లాడుతూ పాపన్న యావత్‌ బహుజన ప్రపంచానికి దిక్సుచి అని, సబ్బండ వర్గాల కోసం పోరాటం చేసి గోల్కొండ కోటను ఏలిన మొదటి బీసీ, బహుజన చక్రవర్తి, ఛత్రపతి శివాజీకి సమకాలికుడు అని తెలిపారు.
ఇతని చరిత్ర, విగ్రహం ఇంగ్లాండ్‌లోని ఆల్బర్ట్‌ మ్యూజియంలో ఉందని, తెలంగాణ ప్రభుత్వం గుర్తించి తెలంగాణ వచ్చాక పాఠ్యాంశాల్లో చేర్చిందని పేర్కొన్నారు. కార్యక్రమంలో స్థానిక సర్పంచ్‌ విష్ణు, ఉప సర్పంచ్‌ విస్వంత్‌, మండల విద్యార్థి కన్వీనర్‌ సురేష్‌, మండల పార్టీ యూత్‌ వైస్‌ ప్రెసిడెంట్‌ మల్లికార్జున్‌ రెడ్డి, రాయదాస్‌, రాజేశ్వర్‌, అరుణ్‌, నితిన్‌, జాగృతి నాయకులు పాల్గొన్నారు.
