Telangana Live Telangana Live News and Views 24X7
హైదరాబాద్‌, ఆగష్టు 18
నిజామాబాద్‌ న్యూస్‌ డాట్‌ ఇన్‌ : రాష్ట్రంలోని డిగ్రీ విద్యార్థులకు ఉద్యోగావకాశాలను పెంచేలా శిక్షణ ఇచ్చేందుకు టీసీఎస్‌ అయాన్‌తో ఉన్నత విద్యామండలి ఒప్పందం కుదుర్చుకుంది. ఉన్నత విద్యామండలి కార్యాలయంలో విద్యాశాఖ మంత్రి సబితా ఇంద్రారెడ్డి, రాష్ట్ర ప్రణాళిక సంఘం ఉపాధ్యక్షుడు వినోద్‌ కుమార్‌ సమక్షంలో ఛైర్మన్‌ తుమ్మల పాపిరెడ్డి, టీసీఎస్‌ అయాన్‌ గ్లోబల్‌ హెడ్‌ వెంగుస్వామి రామస్వామి ఒప్పందపత్రాలు మార్చుకున్నారు.
ఈ సందర్భంగా మంత్రి, విద్యా మండలి ఛైర్మన్‌ పాపిరెడ్డి మాట్లాడుతూ ఒప్పందం ప్రకారం విద్యార్థులకు డేటా సైన్స్‌, గణితం, స్టాటిస్టిక్స్‌ కోర్సులను బోధిస్తామన్నారు. త్వరలో ఆయా వర్సిటీలకు వెళ్లి శిక్షణపై అవగాహన కార్యక్రమాలను నిర్వహిస్తామన్నారు.
