రాష్ట్రస్థాయి ఖోఖో పోటీలకు జిల్లా విద్యార్థులు

వేల్పూర్‌, ఆగష్టు 24

నిజామాబాద్‌ న్యూస్‌ డాట్‌ ఇన్‌ : వేల్పూర్‌ మండలం పచ్చలనడుకుడ జిల్లాపరిషత్‌ ఉన్నత పాఠశాల విద్యార్థులు నిఖిత, శ్రీజ, మనిషా రాష్ట్రసాయి ఖోఖో పోటీలకు ఎంపికైనట్లు పాఠశాల ప్రధానోపాధ్యాయులు సురేష్‌ తెలిపారు.

ఈ సందర్భంగా ఆయన మాట్లాడుతూ పాఠశాలకు చెందినముగ్గురు విద్యార్థులు రాష్ట్రస్థాయి పోటీలకు ఎన్నిక కావడం అభినందనీయమన్నారు. విద్యార్థులు పట్టుదలతో చదువుతో పాటు ఆటలలో రాణిస్తున్నారని తెలిపారు. ఈనెల 28, 29, 30 తేదీలలో సిద్దిపేటలో నిర్వహించే అండర్‌ 18 జూనియర్‌ ఛాంపియన్‌ షిప్‌లో విద్యార్థులు పాల్గొంటారని తెలిపారు.

కార్యక్రమంలో వ్యాయామ ఉపాధ్యాయులు గంగారెడ్డి, సర్పంచ్‌, ఎంపీటీసీలు, పాలకవర్గం సభ్యులు, ఉపాధ్యాయుల బృందం పాల్గొన్నారు.