జలమయమైన ప్రాంతాలను పరిశీలించిన కలెక్టర్‌

నిజామాబాద్‌, సెప్టెంబర్‌ 7

నిజామాబాద్‌ న్యూస్‌ డాట్‌ ఇన్‌ : భారీ వర్షాల వల్ల నిజామాబాద్‌ నగరంలో జలమయమైన ప్రాంతాలను జిల్లా కలెక్టర్‌ సి.నారాయణరెడ్డి పర్యటించి పరిశీలించారు. మంగళవారం మున్సిపల్‌ ఇతర అధికారులతో పట్టణంలోని బైపాస్‌ రోడ్డులో గల చంద్రశేఖర్‌ కాలనీలో జలమయమైన ప్రాంతాన్ని సందర్శించారు. ప్రజలకు ఇబ్బంది లేకుండా మున్సిపల్‌ సిబ్బందితో పనులు పూర్తి చేయిస్తామని వర్షపునీరు నిలవకుండా చూస్తామని ప్రజలకు హామీ ఇచ్చారు.

అందుకు అనుగుణంగా అధికారులు వెంటనే స్పందించి సహాయక చర్యలు చేపట్టారు. అంతకు ముందు కలెక్టరేట్‌ నుండి బస్టాండ్‌ వెనుకభాగం, దేవి రోడ్డు, గాంధీ చౌక్‌, నెహ్రూ పార్క్‌, బోధన్‌ రోడ్డు, ఆటోనగర్‌ చౌరస్తా, అర్సపల్లి ప్రాంతాలను పరిశీలించారు. ఎప్పటికప్పుడు పరిస్థితిని గమనించాలని, అవసరమైన చర్యలు తీసుకోవాలని తెలిపారు. కలెక్టర్‌ వెంట అడిషనల్‌ కలెక్టర్‌ చిత్రా మిశ్రా, సంబంధిత శాఖల అధికారులు ఉన్నారు.

Check Also

బోధన్‌లో రోడ్డు భద్రతపై బాలికలకు అవగాహన

Print 🖨 PDF 📄 eBook 📱 బోధన్‌, నవంబర్‌ 21 నిజామాబాద్‌ న్యూస్‌ డాట్‌ ఇన్‌ : రోడ్డు …

Leave a Reply

Your email address will not be published. Required fields are marked *

WP2Social Auto Publish Powered By : XYZScripts.com
Translate »