ఖైరతాబాద్‌ వినాయకుని దర్శించుకున్న ఎంపి

కామారెడ్డి, సెప్టెంబర్‌ 14

నిజామాబాద్‌ న్యూస్‌ డాట్‌ ఇన్‌ : వినాయక చవితి పండగను పురస్కరించుకుని ఖైరతాబాద్‌లో ఏర్పాటు చేసిన భారీ వినాయకుడికి ఎంపీ బిబి పాటిల్‌ వారి సతీమణి అరుణ పాటిల్‌తో కలిసి దర్శించకున్నారు. ఈ సందర్భంగా ప్రత్యేక పూజలు చేశారు. ఈ సందర్బంగా గణేష్‌ ఉత్సవ కమిటీ సభ్యులు ఎంపీని శాలువతో సన్మానించారు. ఎంపి మాట్లాడుతూ ఈ ఏడాది పంచముఖ రుద్ర మహా గణపతిగా ఖైరతాబాద్‌ గణేష్‌ భక్తులకు దర్శనం ఇస్తున్నారని, 40 అడుగుల హైదరాబాద్‌ గణేష్‌కు కుడివైపున కాల నాగేశ్వరీ, ఎడమవైపు కృష్ణకాళీ అమ్మవారిని దర్శించుకున్నామన్నారు.

మన దేశంలోనే అతి పెద్ద వినాయకుడు, ప్రజలు గత ఏడాది కరోన మహమ్మారి వల్ల గణేష్‌ పండుగను ఘనంగా చేసుకోలేక పోయారని, ఈ సంవత్సరం గణేష్‌ని ఆశీస్సులతో నేడు ప్రజలు అందరు ఘనంగా చవితి పండుగను చేసుకుంటున్నామన్నారు. మహాగణపతిని దర్శించుకున్నందుకు చాలా సంతోషంగా ఉందని, ప్రజలందరు కరోన నిబంధనలు పాటిస్తూ గణేష్‌ ఉత్సవాలను జరుపుకోవాలని సూచించారు.